ଦେବାଳୟରେ ସାବିତ୍ରୀ ବ୍ରତଧାରୀଙ୍କ ଭିଡ଼

ଯାଜପୁର/ପୁରୀ: ଆଜି ପବିତ୍ର ସାବିତ୍ରୀ ଅମାବାସ୍ଯା । ସମସ୍ତ ମନ୍ଦିରରେ ଭକ୍ତଙ୍କ ଲମ୍ବା ଲାଇନ । ଯାଜପୁର ଅଧିଷ୍ଠାତ୍ରୀ ଦେବୀ ମା’ ବିରଜାଙ୍କ ପୀଠରେ ବିବାହିତାଙ୍କ ଲାଗିଥିଲା ଭିଡ଼ । ସ୍ବାମୀଙ୍କ ଶୁଭମନାସୀ ନୂଆ ଶାଢୀ, ଶଙ୍ଖା, ସିନ୍ଦୁର ଓ ଅଳତା ଧରି ଦେବାଳୟରେ ମହିଳା କରିଛନ୍ତି ପୂଜାର୍ଚ୍ଚନା । ସେପଟେ ମାଆ ମଙ୍ଗଳା, ଯାଜପୁର ଜିଲ୍ଲା ଚଣ୍ଡୀ ମନ୍ଦିରରେ ମଧ୍ଯ ଶ୍ରଦ୍ଧାଳୁଙ୍କ ଭିଡ ଜମିଥିଲା ।

ନୂଆ ଶାଢ଼ୀ, ଶଙ୍ଖା, ସିନ୍ଦୁର ଓ ଅଳତା ଧରି ଦେବାଳୟ ଆଗରେ ସଧବା କରିଛନ୍ତି ପୂଜାର୍ଚ୍ଚନା । ସ୍ୱାମୀଙ୍କ ଦୀର୍ଘାୟୁ କାମନା କରି ସାବିତ୍ରୀ ବ୍ରତ ପାଳିଛନ୍ତି । ଯାଜପୁର ଅଧିଷ୍ଠାତ୍ରୀ ଦେବୀ ମା ବିରଜାଙ୍କ ପୀଠରେ ଏଥିପାଇଁ ପ୍ରବଳ ଭିଡ ଲାଗିଥିଲା । ମାଆଙ୍କୁ ଦର୍ଶନ କରିବା ସହିତ ସ୍ଵାମୀଙ୍କ ଲମ୍ବା ଜୀବନ ପାଇଁ ପୂଜାର୍ଚ୍ଚନା କରିଛନ୍ତି ମହିଳା ।  ଦୂରଦୂରାନ୍ତରୁ ଶହ ଶହ ଶ୍ରଦ୍ଧାଳୁଙ୍କ ଲମ୍ବା ଲାଇନ ଲାଗିଥିଲା । ଶ୍ରଦ୍ଧାଳୁଙ୍କ ଶୃଙ୍ଖଳିତ ଦର୍ଶନ ପାଇଁ ପୋଲିସ ଓ ମନ୍ଦିର ପ୍ରଶାସନ ପକ୍ଷରୁ ବ୍ଯାପକ ବ୍ଯବସ୍ଥା କରାଯାଇଥିଲା ।

ସେପଟେ ସାବିତ୍ରୀ ପାଇଁ ଚଳଚଞ୍ଚଳ ପୁରୀ ଜିଲ୍ଲା କାକଟପୁରର ଅଧିଷ୍ଠାତ୍ରୀ ଦେବୀ ମାଆ ମଙ୍ଗଳାଙ୍କ ପୀଠ । ହିନ୍ଦୁ ଶାସ୍ତ୍ର ପୌରାଣିକ କଥା ବସ୍ତୁ ଆଧାରରେ ସଧବାମାନେ କରୁଛନ୍ତି ମାଆଙ୍କ ପୂଜାର୍ଚ୍ଚନା । ସେହିପରି ଯାଜପୁର ଜିଲ୍ଲା ଚଣ୍ଡୀମନ୍ଦିର ପରିସରରେ ଥିବା ସାବିତ୍ରୀ ମନ୍ଦିରରେ ଶ୍ରଦ୍ଧାଳୁଙ୍କ ସାମଗମ ଦେଖିବାକୁ ମିଳିଥିଲା । ନୂଆ ଶାଢୀ, ଶଙ୍ଖା, ସିନ୍ଦୁର ଓ ଫଳମୂଳ ଆଣି ମାଆ ସାବିତ୍ରୀ ପାଖରେ ପୂଜା କରିଛନ୍ତି ।