ଋଷ ରାଷ୍ଟ୍ରପତି ପୁଟିନଙ୍କୁ ଭେଟିବେ ଜାତିସଂଘ ମହାସଚିବ

1 min read
Russian President Vladimir Putin to meet with UN Secretary-General António Guterres in Russia next week

ମସ୍କୋ: ୟୁକ୍ରେନକୁ ଫେରିବ କି ଶାନ୍ତି ? କେବେ ବନ୍ଦ ହେବ ଯୁଦ୍ଧ । ଋଷ-ୟୁକ୍ରେନ୍ ଯୁଦ୍ଧକୁ ୨ ମାସ ବିତିବାକୁ ଯାଉଥିବା ବେଳେ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ଭେଟିବେ ଜାତିସଂଘ ମହାସଚିବ ଆଣ୍ଟୋନିଓ ଗୁଟରେସ୍ । ମଙ୍ଗଳବାର ଉଭୟଙ୍କ ମଧ୍ୟରେ ମସ୍କୋରେ ହେବ ଶାନ୍ତି ନେଇ ଶୀର୍ଷ ଆଲୋଚନା । ଏହା ସହ ପଡ଼ିପାରେ ଯୁଦ୍ଧରେ ଯବନିକା ।

ଦିନକୁ ଦିନ ୟୁକ୍ରେନ୍ ଯୁଦ୍ଧ ଜୋର ଧରିଥିବା ବେଳେ ୨ ଦେଶ ମଧ୍ୟରେ ଶାନ୍ତି ପ୍ରତିଷ୍ଠା ଲାଗି ଗୁଟେରସ ପ୍ରଥମ ଥର ଲାଗି ମସ୍କୋ ଗସ୍ତ କରିବାର କାର୍ଯ୍ୟକ୍ରମ ରହିଛି । ଗସ୍ତ ବେଳେ ଋଷ ବୈଦେଶିକ ମନ୍ତ୍ରୀ ସର୍ଗେଇ ଲାଭରଭଙ୍କ ସହ ବି ଗୁଟେରସ କରିବେ ଆଲୋଚନା । ଯୁଦ୍ଧକୁ ଦୁଇମାସ ପୂରିବାକୁ ଯାଉଥିବାବେଳେ ଗୁଟେରସଙ୍କ ଏହି ଗସ୍ତ ଅନେକ ଗୁରୁତ୍ୱ ବହନ କରୁଛି ।

ଏନେଇ ଗୁଟରେସ୍ ପୁଟିନଙ୍କ ସହ ୟୁକ୍ରେନ୍ ରାଷ୍ଟ୍ରପତି ଜେଲେନସ୍କି ମଧ୍ୟ ଚିଠି ଲେଖି ମସ୍କୋରେ ଭେଟିବାକୁ କହିଛନ୍ତି । ଏନେଇ ଗୁଟରେସ୍ ୨ଟି ଅଲଗା ଅଲଗା ଚିଠି ଋଷିଆନ୍ ଫେଡେରେସନ୍ ଓ ୟୁକ୍ରେନକୁ ଲେଖିଥିବା ଜଣାପଡ଼ିଛି ।

[DISPLAY_ULTIMATE_SOCIAL_ICONS]