ପୁଟିନଙ୍କୁ ହୃଦଘାତ: ଚିତ୍କାର ଶୁଣି ଉଦ୍ଧାର କଲେ ସୁରକ୍ଷା କର୍ମୀ

ମସ୍କୋ: ଋଷ- ୟୁକ୍ରେନ ଯୁଦ୍ଧ ମଧ୍ୟରେ ଭ୍ଲାଦିମିର ପୁଟନଙ୍କୁ ନେଇ ବଡ଼ ଖବର । ଋଷ ରାଷ୍ଟ୍ରପତି ପୁଟନଙ୍କୁ ହୃଦଘାତ । ନିଜ ବେଡରୁମ୍ ଚଟାଣରେ ପଡ଼ି ଚିତ୍କାର କରୁଥିବା ବେଳେ ଉଦ୍ଧାର କଲେ ନିୟୋଜିତ ସୁରକ୍ଷାକର୍ମୀ । ଡାକ୍ତରୀ ଟିମ୍ ତାଙ୍କର ତୁରନ୍ତ ଚିକିତ୍ସା ଆରମ୍ଭ କରିଥିଲେ । ଏବେ ତାଙ୍କ ସ୍ବାସ୍ଥ୍ୟାବସ୍ଥା ସ୍ଥିର ଥିବା କୁହାଯାଉଛି ।

ଟେଲିଗ୍ରାମ ଚ୍ୟାନେଲ ପକ୍ଷରୁ କୁହାଯାଇଛି, ମସ୍କୋ ସମୟ ଅନୁସାରେ ରାତି ପ୍ରାୟ ୯ଟାରେ ପୁଟିନଙ୍କୁ ହୃଦଘାତ ହୋଇଥିଲା । ତାଙ୍କ ବେଡରୁମରୁ କିଛି ଶବ୍ଦ ଶୁଣି ଦୁଇଜଣ ସୁରକ୍ଷାକର୍ମୀ ତୁରନ୍ତ ପହଞ୍ଚି ଯାଇଥିଲେ । ସେତେବେଳେ ପୁଟିନ ବେଡ ପାଖ ଚଟାଣରେ ପଡ଼ିଥିଲେ ଓ ପାଖରେ ଟେବୁଲ ଓ କିଛି ବାସନ ପଡ଼ିଥିଲା । ହୃଦଘାତ ହେବା ପରେ ପୁଟିନ ଟେବୁଲକୁ ଧରିବାକୁ ଚେଷ୍ଟା କରିବା ବେଳେ ତଳେ ପଡ଼ି ଯାଇଥିଲେ ଓ ଟେବୁଲ ବି ଗଡ଼ି ପଡ଼ି ଶବ୍ଦ ହୋଇଥିବା କୁହାଯାଉଛି ।