ପୁତିନଙ୍କ ବିରୋଧୀ ଓ ବିପକ୍ଷ ନେତା ଆଲେକ୍ସିଙ୍କୁ ଚା’ରେ ବିଷ, ଆଇସିୟୁରେ ଭର୍ତ୍ତି

ମସ୍କୋ: ଋଷର ବିରୋଧୀ ଦଳ ନେତା ଓ ରାଷ୍ଟ୍ରପତି ଭ୍ଲାଦିମୀର ପୁତିନଙ୍କ ବିରୋଧୀ ଆଲେକ୍ସି ନଭଲନିଙ୍କ ସ୍ୱାସ୍ଥ୍ୟାବସ୍ଥା ଗମ୍ଭୀର ରହିଛି । ତାଙ୍କୁ ଭେଣ୍ଟିଲେଟରରେ ରଖାଯାଇଛି । ତାଙ୍କର ମୁଖପାତ୍ରଙ୍କ କହିବା ଅନୁଯାୟୀ, ସେ ବିମାନ ଯାତ୍ରା କରୁଥିବା ବେଳେ କେହି ତାଙ୍କୁ ଚା’ରେ ବିଷ ମିଶାଇ ଦେଇ ଦେଇଛି । ନଭଲନି କୌଣସି କାମରେ ସାଇବେରିଆ ଯାଇ ସେଠାରୁ ମସ୍କୋ ଫେରୁଥିଲେ । ଅନ୍ତର୍ଜାତୀୟ ଗଣମାଧ୍ୟମ ରିପୋର୍ଚ ଅନୁଯାୟୀ ନଭଲନିଙ୍କ ସ୍ୱାସ୍ଥ୍ୟାବସ୍ଥା ଅଚାନକ ବିଗିଡ଼ି ଯାଇଥିଲା । ଉଡ଼ନ୍ତା ବିମାନକୁ ଇମରେଜେନ୍ସି ଲ୍ୟାଣ୍ଡିଂ କରିବାକୁ ପଡ଼ିଥିଲା ।

ନଭଲନିଙ୍କ ମୁଖପାତ୍ର କୀରା ୟାରମ୍ୟସ ଏନେଇ ଟ୍ୱିଟରରେ ସୂଚନା ଦେଇଛନ୍ତି । ସେ ଲେଖିଛନ୍ତି ନଭଲନିଙ୍କ ଜୀବନ ପ୍ରତି ବିପଦ ରହିଛି । ସେ ଆହୁରି ସୂଚନା ଦେଇଛନ୍ତି କି ନଭଲନି ଏବେ କୋମାକୁ ଚାଲି ଯାଇଛନ୍ତି । ଡକ୍ଟରଙ୍କ କହିବା ଅନୁସାରେ- ଗରମ ଚା’ରେ ବିଷ ମିଶାଇବା ଦ୍ୱାରା ଏହା ଶୀଘ୍ର ଶରୀରରେ ବ୍ୟାପି ଯାଇଥିଲା । ପୋଲିସ ହସ୍ପିଟାଲରେ ପହଞ୍ଚି ତଦନ୍ତ ଆରମ୍ଭ କରିଛି । ସେ ଏବେ ଆଇସିୟୁରେ ଥିବା ଜଣାପଡ଼ିଛି ।

Сегодня утром Навальный возвращался в Москву из Томска. В полёте ему стало плохо. Самолет экстренно сел в Омске. У Алексея токсическое отравление. Сейчас мы на скорой едем в больницу

— Кира Ярмыш (@Kira_Yarmysh) August 20, 2020

ନଭଲନିଙ୍କ ମୁଖପାତ୍ର କହିଛନ୍ତି- ସକାଳେ ସେ କେବଳ ଚା’ ପଅନ୍ତି । ଏମିତିରେ ବିଷ କେବଳ ତାଙ୍କ ଚା’ରେ ହିଁ ମିଶିଛି । ଚଳନ୍ତା ବିମାନରେ ହିଁ ତାଙ୍କର ବାନ୍ତି ଆରମ୍ଭ ହୋଇଯାଇଥିଲା । ଯାହା ପରେ ବିମାନକୁ ତୁରନ୍ତ ଏମର୍ଜେନ୍ସି ଲାଣ୍ଡିଂ କରାଯାଇଥିଲା । ତେବେ ଏହାକୁ ନେଇ ଋଷର ନ୍ୟୁଜ୍ ଏଜେନ୍ସି ଓମକ୍ସ ହସ୍ପିଟାଲ ସୂତ୍ରରୁ ଖବର ଦେଇ କହିଛି କି ନଭଲିନଙ୍କ ଚା’ରେ ବିଷ ମିଶିଛି କି ନାହିଁ ଜଣାପଡ଼ିନି । ତେବେ, ସୋସିଆଲ୍ ମିଡିଆରେ ଭାଇରାଲ ଭିଡିଓରେ ଦେଖାଯାଉଛି ନଭଲିନଙ୍କୁ ଷ୍ଟ୍ରେକ୍ଚରରେ ନିଆଯାଉଛି ।