ମହାକାଶରେ ସରିଲା ପ୍ରଥମ ଫିଲ୍ମ ଶୁଟିଂ, ପୃଥିବୀକୁ ଫେରିଲେ ‘ଦି ଚାଲେଞ୍ଜ୍’ ଚଳଚ୍ଚିତ୍ରର ଟିମ୍
1 min read
ଋଷିଆ: ମହାକାଶରେ ଶୁଟିଂ ଏବେ ଶେଷ ହୋଇଛି। ଫିଲ୍ମ ଶୁଟିଂ ସାରି ପୃଥିବୀକୁ ଫେରିଛନ୍ତି ରୁଷୀୟ ଟିମ୍ । ଏହି ଟିମ୍ରେ ଜଣେ ଅଭିନେତ୍ରୀ ଏବଂ ନିର୍ଦ୍ଦେଶକ ମଧ୍ୟ ସାମିଲ ଅଛନ୍ତି। ଏହି ଫିଲ୍ମର ଶୁଟିଂ ପାଇଁ କର୍ମଚାରୀମାନେ ୧୨ ଦିନ ମହାକାଶ ଗସ୍ତରେ ଯାଇଥିଲେ। ‘ଦି ଚାଲେଞ୍ଜ୍’ ଚଳଚ୍ଚିତ୍ରର କେତୋଟି ଦୃଶ୍ୟର ଶୁଟିଂ ପାଇଁ ଚଳିତ ମାସ ପ୍ରାରମ୍ଭରେ ପୂର୍ବତନ ସୋଭିଏତ୍ ଦେଶର କାଜାଖସ୍ତାନରେ ଥିବା ‘ବୈକୋନୁର୍ କସ୍ମୋଡ୍ରୋମ୍’ରୁ ୩୭ ବର୍ଷୀୟ ଅଭିନେତ୍ରୀ ୟୁଲିୟା ପେରେସିଲ୍ଡ୍ ଏବଂ ୩୮ ବର୍ଷିୟ ନିର୍ଦ୍ଦେଶକ କ୍ଲିମ୍ ସିପେଙ୍କୋ ରକେଟ୍ ଯୋଗେ ମହାକାଶକୁ ଯାଇଥିଲେ।
#ICYMI: A veteran cosmonaut and two Russian filmmakers returned to Earth from the space station overnight landing in Kazakhstan. More… https://t.co/CrQl3O1BUl pic.twitter.com/zaIRfJPEVM
— International Space Station (@Space_Station) October 17, 2021
ମହାକାଶରେ ଏହା ହେଉଛି ପ୍ରଥମ ଫିଲ୍ମ, ଯାହାର କାହାଣୀର କିଛି ଅଂଶ ସ୍ପେସ୍ରେ ଶୁଟିଂ କରାଯାଇଛି । ରବିବାର ଦିନ ଅନ୍ତର୍ଜାତୀୟ ସମୟ ରାତି ୧.୧୫ ରେ ଅନ୍ତର୍ଜାତୀୟ ମହାକାଶ କେନ୍ଦ୍ରରୁ ଏହି ରକେଟ୍ ବାହାରିଛି। ଜଣେ ମହାକାଶଚାରୀ ଏବଂ ଦୁଇଜଣ ରୁଷୀୟ ଚଳଚ୍ଚିତ୍ର ନିର୍ମାତାଙ୍କୁ ନେଇ ସୋୟୁଜ୍ ମହାକାଶଯାନ ଅନ୍ତର୍ଜାତୀୟ ମହାକାଶ କେନ୍ଦ୍ର ଛାଡି ପୃଥିବୀ ଅଭିମୁଖେ ଯାତ୍ରା କରିଛନ୍ତି।
Friends, hello from the @Space_Station!
I congratulate @novitskiy_iss, Klim and Julia on their successful return to Earth! Our ISS crew followed and worried! It was a pleasure for me to work with you for 12 days ?
The 66th expedition begins at the ISS. Let’s stay in touch! pic.twitter.com/GdgE8VPqE2
— Anton Shkaplerov (@Anton_Astrey) October 17, 2021
ଏହି ରକେଟରେ ଓଲେଗ ନୋଭିଟସ୍କି, ୟୁଲିଆ ପେରେସିଲ୍ଡ ଏବଂ କ୍ଲିମ ସିପେଙ୍କୋ ଅଛନ୍ତି। ଅଭିନେତ୍ରୀ ପେରେସିଲ୍ଡ ଏବଂ ଚଳଚ୍ଚିତ୍ର ନିର୍ଦ୍ଦେଶକ ଶିପେଙ୍କୋ ଅକ୍ଟୋବର ୫ ରେ “ଚ୍ୟାଲେଞ୍ଜ” ନାମକ ଫିଲ୍ମ ଶୁଟିଂ ପାଇଁ ସ୍ପେସ୍ ଷ୍ଟେସନରେ ପହଞ୍ଚି ସେଠାରେ ୧୨ ଦିନ ରହିଥିଲେ । ସ୍ପେସ୍ ଷ୍ଟେସନରେ ୬ ମାସରୁ ଅଧିକ ସମୟ ବିତାଇଥିବା ନୋଭିତ୍ସକି ଏହି ଫିଲ୍ମରେ ଜଣେ ଅସୁସ୍ଥ ମହାକାଶଚାରୀ ଭୂମିକାରେ ଅଭିନୟ କରିଛନ୍ତି। ସୂଚନା ମୁତାବକ, ଏହାପୂର୍ବରୁ ‘ମିସନ୍ ଇମ୍ପସିବଲ୍’ର ଅଭିନେତା ଟମ୍ କ୍ରୁଜ୍, ‘ନାସା’ ଏବଂ ‘ଏଲନ୍ ମସ୍କ୍’ର ‘ସ୍ପେସ୍ଏକ୍ସ’କୁ ନେଇ ଚଳଚ୍ଚିତ୍ର ସୁଟିଙ୍ଗ୍ କରାଯିବ ବୋଲି ଗତବର୍ଷ ହଲିଉଡ୍ ଘୋଷଣା କରିଥିଲା।
