ଜାହାଜରୁ ମିଳିଥିଲା ରଷୀୟ ଇଞ୍ଜିନିୟରଙ୍କ ମୃତଦେହ, ଆସିଲା ପୋଷ୍ଟମର୍ଟମ ରିପୋର୍ଟ

ଭୁବନେଶ୍ୱର: ଆସିଲା ଋଷ ନାଗରିକ ମିଲ୍ୟାକୋଭ ସର୍ଜେଇଙ୍କ ପୋଷ୍ଟମର୍ଟମ ରିପୋର୍ଟ । ହୃଦଘାତରୁ ତାଙ୍କର ମୃତ୍ୟୁ ହୋଇଥିବା ରିପୋର୍ଟରେ ଜଣାପଡିଛି । ହୃଦଘାତ ଯୋଗୁଁ ଯନ୍ତ୍ରଣାରେ ତଳେ ପଡିଯିବାରୁ ମୁଣ୍ଡରେ ସାମାନ୍ୟ ଆଘାତ ଲାଗିଥିବା ରିପୋର୍ଟରେ ଜଣାପଡିଛି । ଏବେବି ବନ୍ଦର ଡାକ୍ତରଖାନାର ଫ୍ରିଜରରେ ରହିଛି ମୃତ ଚିଫ୍ ଇଞ୍ଜିନିୟର ମିଲ୍ୟାକୋଭ ସର୍ଜେଇଙ୍କ ମୃତଦେହ । ଗତ ୩ ତାରିଖରେ ଏମ.ଭି ଅଲଦାନା ଜାହାଜରେ ଋଷ ନାଗରିକ ମିଲ୍ୟାକୋଭଙ୍କ ମୃତ୍ୟୁ ହୋଇଥିଲା ।

ଓଡିଶାରେ ତିନି ଋଷ ନାଗରୀକଙ୍କ ମୃତ୍ୟୁ ସମଗ୍ର ବିଶ୍ୱରେ ଆଲୋଡନ ସୃଷ୍ଟି ହୋଇଛି  । ଗୋଟେପଟେ ଋଷ-ୟୁକ୍ରେନ୍ ଯୁଦ୍ଧ ଚାଲିଥିବାବେଳେ ଅନ୍ୟପଟେ ଋଷୀୟ ନାଗରିକଙ୍କ ସନ୍ଦିଗ୍ଧ ଅବସ୍ଥାରେ ମୃତ୍ୟୁ ଘଟିବା ଆଶ୍ଚର୍ଯ୍ୟ କରିଛି  । ରାୟଗଡ଼ାର ଏକ ହୋଟଲରେ ଦୁଇ ଜଣଙ୍କ ମୃତଦେହ ମିଳିଥିବାବେଳେ ତାହାର କିଛିଦିନ ପରେ ଏକ ଜାହାଜରୁ ମିଳିଥିଲା ଅନ୍ୟ ଜଣେ ନାଗରୀକଙ୍କ ମୃତଦେହ  । ଯାହା ସନ୍ଦେହକୁ ଦୃଢିଭୁକ୍ତ କରୁଛି  ।