ୟୁକ୍ରେନ ରାଜଧାନୀ କିବ୍ ସମେତ ଅନ୍ୟାନ୍ୟ ସହରରେ ପୁଣି ଋଷର ଭୟଙ୍କର ହମଲା

ବ୍ୟୁରୋ : ପୁଣି ରକ୍ତମୁଖା ଋଷ । ୟୁକ୍ରେନ ରାଜଧାନୀ କିବ୍ ସମେତ ଅନ୍ୟାନ୍ୟ ସହରରେ ହମଲା । କିବର କେତେକ ସ୍ଥାନରେ ଘଟିଛି ବିସ୍ଫୋରଣ । ବିସ୍ଫୋରଣରେ ୨ ଜଣଙ୍କ ମୃତ୍ୟୁ ଘଟିଥିବାବେଳେ ଅନେକେ ଆହତ ହୋଇଛନ୍ତି । କିବରେ ୟୁକ୍ରେନ ଏୟାର ଡିଫେନ୍ସ ସିଷ୍ଟମ ପକ୍ଷରୁ ୧୧ଟି ମିସାଇଲ ଓ ୨ଟି ଆଟାକ ଡ୍ରୋନକୁ ଖସାଇଦିଆଯାଇଛି ।

ଉମାନ ସହରରେ ହୋଇଛି ମିସାଇଲ ହମଲା । ହମଲାରେ ଏକ ୯ମହଲା ବିଶିଷ୍ଟ କୋଠା ନଷ୍ଟ ହୋଇଥିବା ବେଳେ ୩ଜଣଙ୍କ ମୃତ୍ୟୁ ଘଟିଛି । ଅଧିକ ଆକ୍ରମଣ ହେବା ଆଶଙ୍କାରେ ସହରରେ ବିମାନବିଧ୍ବଂସୀ ୟୁନିଟକୁ ସଜାଗ ରଖାଯାଇଛି । ନିପ୍ରୋ, କ୍ରେମେନଚୁକ, ମିକୋଲେଭ ଓ ପୋଲତଭା ସହରରେ ବି ବିସ୍ଫୋରଣ ଘଟିଛି । ନିପ୍ରୋରେ ଆକ୍ରମଣ ଯୋଗୁ ଜଣେ ଶିଶୁ ଓ ଜଣେ ମହିଳାଙ୍କ ମୃତ୍ୟୁ ଘଟିଛି । ଯୁଦ୍ଧ ଆରମ୍ଭରୁ ପ୍ରଥମ ଥର ଲାଗି ବୁଧବାର ଚୀନ ରାଷ୍ଟ୍ରପତି ସି ଜିନପିଙ୍ଗ ଓ ୟୁକ୍ରେନ ରାଷ୍ଟ୍ରପତି ଭୋଲୋଦିମିର ଜେଲେନସ୍କିଙ୍କ ସହ ଆଲୋଚନା ପରେ ଏହି ହମଲା ଘଟିଛି ।