କଥା ଦେଲେ ପୁଟିନ୍, ୟୁକ୍ରେନ ଉପରେ ଆଉ ବର୍ଷିବନି ମିସାଇଲ୍
କିଭ୍: ୟୁକ୍ରେନ୍ ଉପରେ ଆଉ ମିସାଇଲ୍ ଆକ୍ରମଣ କରିବ ନାହିଁ ଋଷ । ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ ଏହି କଥା କହିଛନ୍ତି । କ୍ରିମିଆ ବ୍ରିଜ୍ ଉପରେ ହୋଇଥିବା ଆକ୍ରମଣର ଜବାବରେ ଋଷ ୟୁକ୍ରେନ୍ ଉପରେ ମିସାଇଲ୍ ମାଡ଼ କରିଥିଲା । ଏଥିରେ ୟୁକ୍ରେନର ରାଜଧାନୀ କିଭରେ ଅନେକ ଗୁରୁତ୍ୱପୂର୍ଣ୍ଣ ନିର୍ମାଣ ଧ୍ବଂସ ହେବା ସହ ଏକାଧିକ ଜୀବନ ହାନି ଘଟିଥିଲା ।
ହେଲେ ଏବେ ତୀବ୍ର ଆକ୍ରମଣ ହେବ ନାହିଁ ବୋଲି ପୁଟିନ କହିଛନ୍ତି । ଋଷ ରାଷ୍ଟ୍ରପତି ପୁଟିନ କହିଛନ୍ତି ଯେ ୟୁକ୍ରେନ୍ ଉପରେ ଅଧିକ ଆକ୍ରମଣ କରିବାର ବର୍ତ୍ତମାନ କୌଣସି ଯୋଜନା ନାହିଁ । ୟୁକ୍ରେନ୍ ବିରୋଧରେ ଋଷର ଆକ୍ରମଣକୁ କଡ଼ା ନିନ୍ଦା କରିଥିଲା ବିଶ୍ୱ ସମୁଦାୟ ।
ଋଷ ଜାଣି ଜାଣି ଜନବସତି ଅଞ୍ଚଳରେ ରକେଟ ମାଡ଼ କରିଛି । ଏଥିରେ ଅନେକ ଲୋକଙ୍କର ମୃତ୍ୟୁ ହୋଇଥିଲା । ଜାତିସଂଘ ମଧ୍ୟ ଏନେଇ ଚିନ୍ତା ବ୍ୟକ୍ତ କରିଥିଲା।
