ଭୟଙ୍କର ହେଉଛି ରୁଷ୍-ୟୁକ୍ରେନ ଯୁଦ୍ଧ: ୟୁକ୍ରେନର ବିଭିନ୍ନ ସହର ଶ୍ମଶାନ ପାଲଟିଛି

ନନ୍ଦିଘୋଷ ବ୍ୟୁରୋ: ୟୁକ୍ରେନ ଓ ଋଷ୍ ମଧ୍ୟରେ ଯୁଦ୍ଧ ଥମିନଥିବା ବେଳେ ଏବେ ୟୁକ୍ରେନ୍ରେ ଶ୍ମଶାନର ସଂଖ୍ୟା ବଢିଚାଲିଛି । ୟୁକ୍ରେନର ବିଭିନ୍ନ ସହରରେ ଚଳଚଞ୍ଚଳ ସ୍ଥାନ ଗୁଡିକ ଏବେ ପାଲଟିଛି ଶ୍ମଶାନ । ନିଜର ପ୍ରୀୟଜନଙ୍କୁ ହରାଇ ଲୋକେ ଯେକୌଣସି ସ୍ଥାନରେ ଅନ୍ତିମ କ୍ରିୟା କରୁଛନ୍ତି । ଶହ ଶହ ଶବକୁ ଗୋଟିଏ ସ୍ଥାନରେ ଋଷ୍ ସେନା ପୋତି ଦେଇଥିବା ବେଳେ ଏବେ ସେଗୁଡିକ କଢା ଯାଇ ପୁଣି ଥରେ ଅନ୍ତିମକ୍ରିୟା କରୁଛନ୍ତି ୟୁକ୍ରେନ୍ ବାସୀ ।

ବଡ଼ ବଡ଼ ପାର୍କ ଏବେ ଶ୍ମଶାନ ପାଲଟିଥିବା ବେଳେ ଯାଗାର ଅଭାବ ପଡୁଛି । ଜଙ୍ଗଲ କାଟି ମୃତଦେହକୁ ସମାଧି ଦିଆଯାଉଛି । ୟୁକ୍ରେନ୍ରେ ଏଭଳି ସ୍ଥିତି ପାଇଁ ଋଷ୍କୁ ଦାୟୀ କରିଛନ୍ତି ବିଭିନ୍ନ ଦେଶ । କାନାଡା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ଋଷକୁ ସମାଲୋଚନା କରିବା ସହ ଏଭଳି ଓ୍ବାର କ୍ରାଇମ ପାଇଁ ଜବାବ ଦେବାକୁ ପଡିବ ବୋଲି କହିଛନ୍ତି । ଭବିଷ୍ୟତ ପିଢି କେବେ ବି ଋଷ୍କୁ କ୍ଷମା କରିବେ ନାହିଁ ବୋଲି ସେ କହିଛନ୍ତି । ଆମେରିକା ରାଷ୍ଟ୍ରପତି ଜୋ ବାଇଡେନ୍ ମଧ୍ୟ ସମାଲୋଚନା କରିଛନ୍ତି ।