ୟୁକ୍ରେନରେ ଏହି ସହରରେ ଶବକୁ ସମାଧି ଦେବାକୁ ନାହିଁ ସ୍ଥାନ

କିଭ୍: ୟୁକ୍ରେନ ଉପରେ ରୁଷର ଆକ୍ରମଣ ଜାରି ରହିଛି । ସେଠାରେ ଅନେକ ବଡ ସହରକୁ ଧ୍ୱଂସ କରିଚାଲିଛନ୍ତି ଋଷ ସୈନ୍ୟ । ଆଉ ଏହି ଆକ୍ରମଣରେ ସୈନିକମାନଙ୍କ ସହ ଅନେକ ସାଧାରଣ ନାଗରିକମାନଙ୍କର ମଧ୍ୟ ଜୀବନ ଯାଉଛି । ମୃତ୍ୟୁସଂଖ୍ୟା ଏତେ ଅଧିକ ହୋଇଛି ଯେ ଯୁଦ୍ଧ ମଧ୍ୟରେ ସମସ୍ତ ମୃତ ଶରୀରକୁ ପୃଥକ ଭାବରେ ସମାଧି ଦେବା ଅସମ୍ଭବ ହୋଇପଡିଛି । ଯୁଦ୍ଧରେ ଅଧିକ ପ୍ରଭାବିତ ହୋଇଥିବା ୟୁକ୍ରେନ ସହର ମଧ୍ୟରୁ ମାରିୟୁପୋଲର ରାସ୍ତା, ଘରଗୁଡିକରେ ଶବରେ ଭର୍ତ୍ତି ହୋଇଯାଇଛି । ଫଳରେ ସମସ୍ତଙ୍କୁ ସାମୁହିକ କବର ଦିଆଯାଉଛି ।

ମାରିୟୁପୋଲର ଶବ ଏତେ ଅଧିକ ହୋଇଯାଇଥିଲା ଯେ ଶ୍ମଶାନରେକୁ ସମାଧି ଦେବା ପାଇଁ କୌଣସି ସ୍ଥାନ ନଥିଲା । ସହରରେ ଲଗାତାର ଗୁଳି ବିନିମୟ ମଧ୍ୟରେ ଲୋକଙ୍କୁ କବର ସମ୍ଭବ ନୁହେଁ  । ଏହି ସମୟରେ ନଗର କର୍ତ୍ତୃପକ୍ଷ ମୃତଦେହକୁ ସମାଧି ଦେବା ପାଇଁ ଏକ ସାମୁହିକ କବର ତିଆରି କରିଛନ୍ତି ଯେଉଁଠାରେ ଏକାସାଙ୍ଗରେ ଦୁଇରୁ ଅଧିକ ଶବକୁ କବର ଦେଇହେବ ।

ସୂଚନା, ଅନୁଯାୟୀ, ମାରିୟୁପୋଲ୍ ସହରର ମଧ୍ୟଭାଗରେ ଥିବା ଏକ ପୁରୁଣା କବରରେ ୨୫ ମିଟର ଲମ୍ବ ଗଭୀର ଖାଲ ଖୋଳା ଯାଇଛି । ଏହି ଖାଲରେ, ମ୍ୟୁନିସିପାଲିଟି ସାମାଜିକ ସେବା କର୍ମଚାରୀମାନେ ସହରରେ ଏବଂ ଘରେ ପଡ଼ି ରହିଥିବା ମୃତଦେହଗୁଡ଼ିକୁ ଏକତ୍ର ସମାଧି ଦେଉଛନ୍ତି ।