ରୁଷ୍-ୟୁକ୍ରେନ ଯୁଦ୍ଧର ସାଂଘାତିକ ପ୍ରଭାବ; ୪୦ଲକ୍ଷରୁ ଅଧିକ ଶିଶୁ ଦାରିଦ୍ର୍ୟ କଷାଘାତର ଶିକାର
1 min read
People climb on a destroyed Russian tank during an open-air exhibition of destroyed military vehicles near St. Michael's Golden-Domed Monastery in Kyiv on October 16, 2022, amid the Russian invasion of Ukraine. (Photo by Yasuyoshi CHIBA / AFP)
ନନ୍ଦିଘୋଷ ବ୍ୟୁରୋ: ଋଷ-ୟୁକ୍ରନ ଯୁଦ୍ଧରେ ସାଂଘାତିକ ପ୍ରଭାବିତ ହୋଇଛନ୍ତି ଶିଶୁ । ୟୁକ୍ରେନ ଉପରେ ଋଷର ଆକ୍ରମଣ ଯୋଗୁ ଘୋର ଅର୍ଥନୈତିକ ସଙ୍କଟ ସୃଷ୍ଟି ହୋଇଥିବା ବେଳେ ଏହାର ଗୁରୁତର ପ୍ରଭାବ ପିଲାମାନଙ୍କ ଉପରେ ପଡିଛି । ଯୁଦ୍ଧ ଆରମ୍ଭ ପରଠାରୁ ପୂର୍ବ ୟୁରୋପ ଓ ମଧ୍ୟ ଏସିଆର ୪୦ଲକ୍ଷରୁ ଊର୍ଦ୍ଧ୍ବ ଶିଶୁ ଦାରିଦ୍ର୍ୟ କଷାଘାତର ଶିକାର ହୋଇଛନ୍ତି ।
ଏ ନେଇ ରିପୋର୍ଟ ଦେଇଛି ୟୁନିସେଫ୍ । 2021 ପରଠାରୁ ଏହି ସଂଖ୍ୟର 19% ବୃଦ୍ଧି ହୋଇଛି ବୋଲି କୁହାଯାଇଛି । ପ୍ରଭାବିତ ଶିଶୁଙ୍କ ମଧ୍ୟରେ ଅଧିକ ଋଷ ଓ ୟୁକ୍ରେନର ପିଲାମାନେ ରହିଛନ୍ତି । ପ୍ରଭାବିତ ୪୦ଲକ୍ଷ ଶିଶୁଙ୍କ ମଧ୍ୟରୁ ୨୮ଲକ୍ଷ ପିଲା ଦାରିଦ୍ର୍ୟ ସୀମାରେଖା ତଳେ ରହିଥିବା ପରିବାରର । ପାଶ୍ଚାତ୍ୟ ଦେଶର ପ୍ରତିବନ୍ଧକ ଯୋଗୁ ଋଷ ଅର୍ଥନୀତିରେ ଏହାର ପ୍ରଭାବ ଦେଖିବାକୁ ମିଳିଛି ।
ଋଷର ସର୍ବାଧିକ ଶିଶୁ ଏହି ତାଲିକାରେ ଥିବା ବେଳେ ଦ୍ବିତୀୟରେ ରହିଛି ୟୁକ୍ରେନ । ସେହିପରି ତୃତୀୟରେ ରହିଛି ରୋମାନିଆ । ଦୁଇ ଦେଶ ମଧ୍ୟରେ ବିବାଦ ଯୋଗୁ ମୁଦ୍ରାସ୍ଫୀତି ସର୍ବୋଚ୍ଚସ୍ତରରେ ପହଞ୍ଚିଛି । ୨୨ଟି ରାଷ୍ଟ୍ରରେ କରାଯାଇଥିବା ସର୍ଭେରୁ ଏହି ରିପୋର୍ଟ ସାମ୍ନାକୁ ଆସିଛି ବୋଲି ୟୁରୋପ ଓ ସେଣ୍ଟ୍ରାଲ ଏସିଆର ୟୁନିସେଫ ରିଜିଓନାଲ ଡାଇରେକ୍ଟର ଅଫସାନ ଖାନ କହିଛନ୍ତି ।
