ଯୁଦ୍ଧ ଭୂଇଁରୁ ଉଦ୍ଧାର ପାଇଁ ଭାରତର ଯୋଜନା, ଦୂତାବାସ ଜାରି କଲା ନୂଆ ଆଡଭାଇଜରି

ନୂଆଦିଲ୍ଲୀ: ୟୁକ୍ରେନର ଯୁଦ୍ଧ ଭୂଇଁରୁ ଉଦ୍ଧାର ହେବେ ଫସିଥିବା ଭାରତୀୟ । ଏନେଇ କିଏଭ୍ ସ୍ଥିତ ଭାରତୀୟ ଦୂତାବାସ ପକ୍ଷରୁ ନୂଆ ଆଡଭାଇଜରି ଜାରି ହୋଇଛି । ଯେଉଁଥିରେ ଭାରତ ସରକାର ଓ ଭାରତୀୟ ଦୂତାବାସ ୟୁକ୍ରେନରେ ଫସିଥିବା ଲୋକଙ୍କୁ ଉଦ୍ଧାର କରିବା ପାଇଁ ପ୍ରୟାସ କରୁଥିବା କୁହାଯାଇଛି । ଦୂତାବାସ ଅନୁସାରେ, ରୋମାନିଆ ଓ ହଙ୍ଗରେ ରାସ୍ତାରେ ୟୁକ୍ରେନରେ ଫସିଥିବା ଭାରତୀୟଙ୍କୁ ଅଣାଯିବା ପାଇଁ ଉଦ୍ୟମ କରାଯାଉଛି ।

Embassy of India in Ukraine issues advisory to all Indian nationals/students in Ukraine – Govt of India is working to establish evacuation routes from Romania and Hungary pic.twitter.com/MUWwh8wTLG

— ANI (@ANI) February 25, 2022

ଫସିଥିବା ଭାରତୀୟଙ୍କୁ ଉଦ୍ଧାର ଲାଗି ଶୁକ୍ରବାର ହଙ୍ଗରୀ ସୀମା ଅଜୋହରୋଡ୍ ଓ ପୋରୁବନେ ସିରେଟ୍ ଚେରନିନ୍ସି ନିକଟ ରୋମାନିଅନ୍ ବର୍ଡର ଚେକ୍ ପଏଣ୍ଟରେ ଭାରତୀୟ ଟିମ୍ ରହିଛନ୍ତି । ଆଡଭାଇଜରିରେ କୁହାଯାଇଛି, ଏହି ୨ ବର୍ଡର ନିକଟରେ ରହୁଥିବା ଭାରତୀୟ ବିଶେଷକରି ଛାତ୍ର ବିଦେଶ ମନ୍ତ୍ରଣାଳୟ ସହ ସମନ୍ୱୟ ରକ୍ଷା କରି ପ୍ରଥମେ ୟୁକ୍ରେନରୁ ଚାଲି ଆସନ୍ତୁ ।

Two flights to Bucharest in Romania today and one flight to Budapest in Hungary tomorrow are being planned to be operated as GoI chartered flights: Government sources#UkraineRussiaCrisis

— ANI (@ANI) February 25, 2022

ଏହି ୨ ରାସ୍ତା ଦେଇ ଭାରତୀୟ ଆସିବାକୁ ଦୂତାବାସ ପକ୍ଷରୁ କୁହାଯାଇଛି । ଏଥିସହ ସୀମାରେ କରଯାଉଥିବା ହେଲ୍ପ ଲାଇନ୍ ସହ ନିୟମିତ ବ୍ୟବଧ୍ୟାନରେ ସମ୍ପର୍କ କରିବାକୁ ପରାମର୍ଶ ଦେଇଛି ଦୂତାବାସ । ସୀମାରେ କଣ୍ଟ୍ରୋଲ୍ ରୁମ୍ ଖୋଲିବା ମାତ୍ରେ ନମ୍ବର ଜାରି କରାଯିବ ବୋଲି ଦୂତାବାସ ପକ୍ଷରୁ ସୂଚନା ଦିଆଯାଇଛି ।

ୟୁକ୍ରେନରେ ଫସିଥିବା ଭାରତୀୟ ଧ୍ୟାନ ଦିଅନ୍ତୁ

• ଛାତ୍ର ଓ ଭାରତୀୟ ନାଗରିକ ନିଜ ନିଜର ପାସପୋର୍ଟ ନିଜ ସହିତ ରଖନ୍ତୁ । ଜରୁରୀକାଳୀନ ସ୍ଥିତିରେ ନିଜ ପାଖରେ ଖର୍ଚ୍ଚ ପାଇଁ ଡଲାର ରଖନ୍ତୁ ।
• କୋଭିଡର ୨ ଡୋଜ୍ ଟିକା ନେଇଥିଲେ ପ୍ରମାଣପତ୍ର ରଖନ୍ତୁ ।
• ଯାତ୍ରା ବେଳେ ଗାଡ଼ି ଓ ବସରେ ଭାରତୀୟ ତ୍ରିରଙ୍ଗା ପତାକା ଲଗାନ୍ତୁ ।