ଭାରତ ପରେ ଚୀନକୁ ବଡ଼ ଝଟକା ଦେଲା ଋଷ୍ ! ଜାଣନ୍ତୁ କେମିତି

ନୂଆଦିଲ୍ଲୀ: ଭାରତ ଚୀନ ମଧ୍ୟରେ ସୀମା ବିବାଦ ଲାଗି ରହିଛି । ଦିନକୁ ଦିନ ସୀମାରୁ ନୂଆ ନୂଆ ତଥ୍ୟ ସାମ୍ନାକୁ ଆସୁଛି । ଏଭଳି ପରିସ୍ଥିତିରେ ଅନ୍ୟ ଦେଶ ଗୁଡ଼ିକ ମଧ୍ୟ କରୋନା କାରଣରୁ ଚୀନ୍ ଉପରେ ଖୁସି ନାହାଁନ୍ତି ଏବଂ କରୋନା ପାଇଁ ଚୀନକୁ ହିଁ ଦାୟୀ କରିଛନ୍ତି । ଦକ୍ଷିଣ ଚୀନ ସାଗରେ ଯେଉଁଠି ଆମେରିକା ନାବି ତାର ସୈନ ଶକ୍ତିକୁ କଡ଼ାକଡ଼ି କରିଛି ତ ଅନ୍ୟପଟେ ଋଷ ତରଫରୁ ଚୀନକୁ କଡ଼ା ଜବାବ୍ ମିଳିଛି । ଋଷ ଚୀନକୁ ଦିଆଯାଉଥିବା S400 ମିସାଇଲର ଡେଲିଭରୀ ବନ୍ଦ କରିଦେଇଛି ।

ଏହି ଘଟଣା ଉପରେ ଚୀନର ଏକ ଖବର କାଗଜରେ ଉଲ୍ଲେଖ କରାଯାଇଥିଲା ଯେ, ଋଷ S400ର ଡେଲିଭରୀ ସମୟକୁ ଆଗକୁ ବଢାଇ ଦେଇଛି । ଯାହା ବହୁ ଗମ୍ଭୀର ମାମଲା । ଋଷ ଲଗାତାର ମିସାଇଲ ସିଷ୍ଟମକୁ କିଣିବାକୁ ଦାବି କରି ଆସୁଥିଲା । କିନ୍ତୁ ମହାମାରୀ ସମୟରେ ଅସ୍ତ୍ରଶସ୍ତ୍ର କିଣିବା କରୋନା ବିରୁଧରେ ପିପୁଲସ ଲିବରେସନ ଆର୍ମୀଙ୍କୁ ଦୁର୍ବଳ କରିପାରେ ବୋଲି କୁହା ଯାଇଛି ।

ଋଷ ଚୀନ ସହ  S400 ମିସାଇଲ ସିଷ୍ଟମକୁ ଏମିତି ସମୟରେ ରଦ୍ଦ କରିଥିଲା ଯେତେବେଳେ ଦିନକ ପୂର୍ବରୁ ହିଁ ମସ୍କୋ ଦ୍ୱାରା ଚୀନ ଉପରେ ଗୁପ୍ତ ତଥ୍ୟ ନେଉଥିବା ଅଭିଯୋଗ ଲଗାଯାଇଥିଲା । ଆପଣଙ୍କୁ କହି ରଖୁଛୁ ଯେ, କିଛି ବର୍ଷ ହେବ ଚୀନ ଏବଂ ଋଷ ମଧ୍ୟରେ ଥିବା ସମ୍ପର୍କ ବହୁ ସୁଧୁରିଛି । ସେଣ୍ଟ ପିଟସବର୍ଗରେ ଅବସ୍ଥିତ ଆର୍କଟିକ୍ ସୋସିଆଲ୍ ସାଇନ୍ସ ଏକାଡେମୀର ସଭାପତିଙ୍କୁ ଗିରଫ କରାଯାଇଛି । କାରଣ ସେ ଚୀନ୍ ସହିତ ଗୁପ୍ତ ସୂଚନା ବାଣ୍ଟିବାରେ ଦୋଷୀ ସାବ୍ୟସ୍ତ ହୋଇଛନ୍ତି ।