ପୁଣି ସୈନ୍ୟ ଏକତ୍ର କଲାଣି ଋଷ, କରିପାରେ ବଡ ଧରଣର ଆକ୍ରମଣ

ମସ୍କୋ: ପୁଣି ରକ୍ତମୁଖା ସାଜିଲାଣି ଋଷ । ୟୁକ୍ରେନ ବିରୋଧରେ ଲଢ଼ିବା ଲାଗି ଅଧିକରୁ ଅଧିକ କରାଯାଉଛି ସୈନ୍ୟ ସଂଗ୍ରହ । ଫ୍ରଣ୍ଟ ଲାଇନରେ ଲଢିବା ଲାଗି ସୈନ୍ୟଙ୍କୁ ଦିଆଯାଉଛି ତାଲିମ । ଋଷ ନିକଟରେ ନୂଆ ଅସ୍ତ୍ରଶସ୍ତ୍ର ନଥିବାବେଳେ ପୁରୁଣା ଅସ୍ତ୍ରଶସ୍ତ୍ରକୁ ଆଶ୍ରା କରି ଯୁଦ୍ଧ ଲଢୁଛି । ୟୁକ୍ରେନର ବାଖମୁଟରେ ବର୍ତ୍ତମାନ ଋଷ ସୈନ୍ୟ ଏକତ୍ରିତ ହୋଇଛନ୍ତି ଏବଂ ଖୁବ୍ ଶୀଘ୍ର ୟୁକ୍ରେନ ଉପରେ ପୁଣି ବଡ଼ ଧରଣର ଆକ୍ରମଣ ଆଶଙ୍କା କରାଯାଉଛି ।

ବର୍ତ୍ତମାନ ନୂଆ ବ୍ରିଗେ଼ଡ, ନୂଆ ବାଟାଲିୟନ ମୁତୟନ ପ୍ରକ୍ରିୟା ଶେଷ ହୋଇଛି ଏବଂ ବଡ଼ ଧରଣର ଆକ୍ରମଣ ହେବା ନିଶ୍ଚିତ ହୋଇଛି । ସେପଟେ ତୈଳ ରପ୍ତାନି ନେଇ ଦର ଉପରେ ପାଶ୍ଚାତ୍ୟରାଷ୍ଟ୍ର ଲଗାଇଥିବା କଟକଣା ନେଇ ହୁଙ୍କାର ଦେଇଛି ଋଷ । ଏହି କଟକଣା ସତ୍ତ୍ବେ ୟୁକ୍ରେନ ଉପରେ ଋଷର ଆକ୍ରମଣ ଜାରି ରହିବ । ୟୁରୋପୀୟ ୟୁନିଅନ, ଗ୍ରୁପ-୭ ପକ୍ଷରୁ ବ୍ୟାରେଲ ପିଛା ୬୦ ଡଲାର ଧାର୍ଯ୍ୟକୁ ବିରୋଧ କରିଥିଲା ଋଷ ।