ଋଷ-ୟୁକ୍ରେନ ଯୁଦ୍ଧ, ୭ ଦିନରେ ୫ହଜାର ଲୋକଙ୍କ ମୃତ୍ୟୁ

ନନ୍ଦିଘୋଷ ବ୍ୟୁରୋ: ଋଷ-ୟୁକ୍ରେନ ଯୁଦ୍ଧର ସବୁଠୁ ବିନାଶକାରୀ ମୂହୁର୍ତ୍ତ । ୫୫୦ ଦିନ ହେଲା ଚାଲିଛି ଋଷ-ୟୁକ୍ରେନ ଯୁଦ୍ଧ । ଛାରଖାର ହୋଇଗଲାଣି ଉଭୟ ଦେଶ । ହଜାର ହଜାର ଲୋକଙ୍କ ମୃତ୍ୟୁର ବିଭୀଷିକା ଦେଖୁଛନ୍ତି ଦୁଇ ଦେଶ । ୭ ଦିନ ଯୁଦ୍ଧରେ ୟୁକ୍ରେନରେ ପ୍ରାଣ ହରାଇଲେଣି ୫ ହଜାର ଲୋକ । ଚରମସୀମାରେ ପହଞ୍ଚିଛି ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ରାଗ । ଜଳ,ସ୍ଥଳ,ଆକାଶରୁ ୟୁକ୍ରେନ ଉପରେ ହେଉଛି ଘନ ଘନ ଆକ୍ରମଣ । ବଡ ବଡ ସହର,ଘରଦ୍ବାର ସହ ଜଳୁଛି ଅସ୍ତ୍ରାଗାର । କେବଳ ନର୍ଥ ଡୋନେସ୍କରେ ୧୪୯୦ ୟୁକ୍ରେନ ସୈନ୍ୟଙ୍କ ମୃତ୍ୟୁ । ଋଷ ଆକ୍ରମଣରେ ସାଉଥ ଡୋନେସ୍କର ପ୍ରାଣ ହରାଇଛନ୍ତି ୮୨୦ ଯବାନ । ଜେପୋରଜିଆରେ ହୋଇଛି ସବୁଠୁ ଅଧିକ ନରସଂହାର । ୧୧୮୦ ଯବାନଙ୍କର ମୃତ୍ୟୁ ସହ ବହୁ ସାଧାରଣ ଲୋକ ପ୍ରାଣ ହାରାଇଛନ୍ତି ।