ଗ୍ରାମୀଣ ରାସ୍ତାର ହେବ ମରାମତି କାମ, ୧୧୫୮ କୋଟିରୁ ଅଧିକ ଟଙ୍କାର ବ୍ୟୟ ବରାଦ

ଭୁବନେଶ୍ୱର: ବିଧାନସଭା ବଜେଟ ଅଧିବେଶନ । ବାର୍ଷିକ ରକ୍ଷଣାବେକ୍ଷଣ ଯୋଜନା ୨୦୨୩-୨୪ରେ ଏପ୍ରିଲ ଶେଷ ସୁଦ୍ଧା ଗ୍ରାମୀଣ ରାସ୍ତାର ହେବ ମରାମତି କାମ । ଏଥିପାଇଁ ୧୧୫୮ କୋଟିରୁ ଅଧିକ ଟଙ୍କାର ବ୍ୟୟ ବରାଦ କରାଯାଇଛି । ଅର୍ଥ ବିଭାଗର ଅନୁମୋଦନ ପରେ ଆରମ୍ଭ ହେବ କାମ । ଏନେଇ ଗୃହରେ ଉତ୍ତର ରଖିଛନ୍ତି ବିଭାଗୀୟ ମନ୍ତ୍ରୀ । ଟିଟିଲାଗଡ଼ର ତୁରେଇକେଲା, ବଂଗେମୁଣ୍ଡା, ମୁରିବାହାଲ ବ୍ଲକର ଖରାପ ରାସ୍ତା ଗୁଡିକ ସମ୍ବଳ ଅନୁସାରେ ଅନ୍ତର୍ଭୁକ୍ତ କରାଯାଇ ମରାମତି ପାଇଁ ଅଗ୍ରାଧିକାର ଦିଆଯିବ ବୋଲି ପ୍ରୀତି ରଞ୍ଜନ ଘଡାଇ ଗୃହରେ ଉତ୍ତର ରଖିଛନ୍ତି । ଏଥିପାଇଁ ଖରାପ ରାସ୍ତାକୁ କରାଯାଉଛି ଚିହ୍ନଟ । ସେହିପରି ରାସ୍ତାର ଗୁଣବତ୍ତା ଓ ଅଞ୍ଚଳର ଜନସଂଖ୍ୟାକୁ ନେଇ ବାର୍ଷିକ ଆକ୍ସନ ପ୍ଲାନ୍ ପ୍ରସ୍ତୁତ ହେଉଛି । ଏହାସହ ନିର୍ବାଚନ ମଣ୍ଡଳୀ ଓ୍ବାରୀ ଆଲୋଚନା କରିବେ ବୋଲି ଗୃହକୁ ଅବଗତ କରିଛନ୍ତି ମନ୍ତ୍ରୀ ।