ପିସ୍ତଲ ଦେଖାଇ ୬୦ ହଜାର ଲୁଟିଲେ ଦୁର୍ବୃତ୍ତ

ଢେଙ୍କାନାଳ: ପିସ୍ତଲ ଦେଖାଇ ଲୁଟିନେଲେ ୬୦ ହଜାର ଟଙ୍କା । ଭୁଜାଲିରେ ଆକ୍ରମଣ କରି ଟଙ୍କା ସହ ମୋଟର ସାଇକେଲ ଓ ମୋବାଇଲ ଲୁଟିନେଇଛନ୍ତି ଦୁର୍ବୃତ୍ତ । ଢେଙ୍କାନାଳ ଗଁନ୍ଦିଆ ଥାନା  ରାଧାଦେଇପୁର ନିକଟରେ ଘଟିଛି ଏହି ଘଟଣା । ଦୁଇଜଣ ଦୁର୍ବୃତ୍ତ ବାଇକରେ ଆସି ଲୁଟ କରିଥିବା ଜଣାପଡିଛି । ଲୁଟର ଶିକାର ହୋଇଥିବା ରାଧାଦେଇପୁର ଗାଁର ଅକ୍ଷୟ ବେହେରା ଯୋରନ୍ଦା ଫାଣ୍ଡିରେ ଏକ ଲିଖିତ ଅଭିଯୋଗ କରିଛନ୍ତି । ପରେ ଘଟଣାସ୍ଥଳକୁ  ଯାଇ ପୋଲିସ ତଦନ୍ତ କରିଛି । ତେବେ ଲୁଟ ପରେ ଦୁର୍ବୃତ୍ତମାନେ ପୁରୁଣା ବାଇକ ଛାଡ଼ି ପଳାଇଥିବା ବେଳେ ପୋଲିସ ଏହାକୁ ଜବତ କରିଛି । ଦୁର୍ବତ୍ତମାନଙ୍କ ଆକ୍ରମଣରେ ଅକ୍ଷୟ ସାମାନ୍ୟ ଆହତ ହୋଇଛନ୍ତି ।

https://www.facebook.com/NandighoshaTV/videos/2492782644345222