ନନ୍ଦିଘୋଷ ବ୍ୟୁରୋ: ପୂର୍ବତନ ବିଜେପି ଏମପି ରୁପା ଗାଙ୍ଗୁଲି ଗିରଫ। ତାଙ୍କୁ ଧାରଣାସ୍ଥଳରୁ ଉଠାଇ ନେଇଛି କୋଲକାତା ପୋଲିସ। ଲାଲବଜାରସ୍ଥିତ ପୋଲିସ ମୁଖ୍ଯାଳୟରେ ତାଙ୍କୁ ରଖାଯାଇଛି। ଗତ ବୁଧବାର ରାତିରୁ ସେ ବଂଶଦ୍ରୋଣୀ ପୋଲିସ ଷ୍ଟେସନରେ ଧାରଣାରେ ବସିଥିଲେ। ଗିରଫ ହୋଇଥିବା ଜଣେ ବିଜେପି ନେତାଙ୍କ ଖଲାସ ଦାବିରେ ସେ ଧାରଣାରେ ବସିଥିବାବେଳେ ତାଙ୍କୁ ପୋଲିସ ଗିରଫ କରିଥିଲା। ଗତ ଅକ୍ଟୋବର ୨ରେ ବଂଶଦ୍ରୋଣୀ ଅଞ୍ଚଳରେ ଏକ ଦୁର୍ଘଟଣାରେ ଜଣେ ନବମ ଶ୍ରେଣୀ ଛାତ୍ରର ମୃତ୍ଯୁକୁ ନେଇ ଆନ୍ଦୋଳନ ହୋଇଥିଲା। ସେହି ଅଞ୍ଚଳରେ ରାସ୍ତାର ଦୁରବସ୍ଥାକୁ ନେଇ ବିଜେପି ପକ୍ଷରୁ ଆନ୍ଦୋଳନ ଚାଲିଥିଲା। ତେବେ ଆନ୍ଦୋଳନରେ ଜଣେ ବିଜେପି ନେତାଙ୍କୁ ପୋଲିସ ଗିରଫ କରିଥିବାବେଳେ ତାଙ୍କୁ ଖଲାସ କରିବା ଦାବିରେ ରୁପା ଧାରଣାରେ ବସିଥିଲେ।
