ଚଳନ୍ତା ବସରେ ଅଗ୍ନିକାଣ୍ଡ, ଯାଉଥିଲେ ୩୦ରୁ ଅଧିକ ଯାତ୍ରୀ

ଆନନ୍ଦପୁର: ହାଟଡ଼ିହି ତହସିଲ ଛକ ନିକଟରେ ଚଳନ୍ତା ବସରେ ଅଗ୍ନିକାଣ୍ଡ ଘଟିଛି । ଭଦ୍ରକ ରୁ ଖିଚିଂ ଯାଉଥିବା ‘ଶ୍ରୀ ଲକ୍ଷ୍ମୀ’ ନାମକ ବସରେ ନିଆଁ ଲାଗିଥିଲା । ସଟ୍ ସର୍କିଟ ଯୋଗୁଁ ନିଆଁ ଲାଗିବା ଫଳରେ ପ୍ରବଳ ଧୂଆଁରେ ବସଟି ପରିପୂର୍ଣ୍ଣ ହୋଇ ଯାଇଥିଲା । ତତକ୍ଷଣାତ୍ ବସ୍ ଡ୍ରାଇଭର ଗାଡ଼ି ଅଟକାଇ ସମସ୍ତ ଯାତ୍ରୀଙ୍କୁ ବାହାରକୁ ବାହାର କରି ଦେଇଥିଲେ ।

ବସରେ ୩୦ରୁ ଅଧିକ ଯାତ୍ରୀ ଥିବା ବେଳେ ସେମାନେ ଅଳ୍ପକେ ବର୍ତ୍ତି ଯାଇଛନ୍ତି । କୌଣସି କାରଣରୁ ବସ୍ ବ୍ୟାଟେରିରୁ ନିଆଂ ଲାଗିଥିବା ଅନୁମାନ କରାଯାଉଛି । ବସରେ ନିଆଁ ଲାଗିବା ପରେ ଉକ୍ତ ଅଞ୍ଚଳ ଧୂଆଁମୟ ହୋଇ ଯାଇଥିଲା । ସ୍ଥାନୀୟ ଲୋକଙ୍କ ସହଯୋଗରେ ବସରେ ନିଆଁ ଆୟତ୍ତ ହୋଇଛି ।