ବାୟୁ ସେନାର ବଳ ବଢ଼ାଇବ ‘ରୁଦ୍ରମ’ ମିସାଇଲ୍, ୨୦୨୨ ସୁଦ୍ଧା ହେବ ସାମିଲ୍

ନୂଆଦିଲ୍ଲୀ: ଦେଶର ପ୍ରଥମ ଆଣ୍ଟି-ରାଡିଏସନ୍ ମିଶାଇଲ୍ ‘ରୁଦ୍ରମ’ ଖୁବଶୀଘ୍ର ଭାରତୀୟ ବାୟୁ ସେନାରେ ସାମିଲ୍ ହେବ । ‘ରୁଦ୍ରମ’ ସାମିଲ୍ ହେଲେ ଖାଲି ବାୟୁ ସେନାର ଶକ୍ତି ବଢ଼ିବ ତା ନୁହେଁ ଏହା ଶତ୍ରୁ ଦେଶର ରାଡାର ଓ ସର୍ଭିଲାନ୍ସ ସିଷ୍ଟମକୁ ମଧ୍ୟ ଚକମା ଦେବ । ଏହାକୁ ବାୟୁ ସେନାରେ ୨୦୨୨ ସୁଦ୍ଧା ସାମିଲ୍ କରାଯିବ ବୋଲି ଉଚ୍ଚ ଅଧିକାରୀ ସୂଚନା ଦେଇଛନ୍ତି ।

ସ୍ୱଦେଶୀ କ୍ଷେପଣାସ୍ତ୍ର ‘ରୁଦ୍ରମ’କୁ ବାୟୁ ସେନା ପାଇଁ ପ୍ରତରିକ୍ଷା ଗବେଷଣା ଓ ବିକାଶ ପ୍ରତିଷ୍ଠାନ (DRDO) ତିଆରି କରିଛି । ଏହାକୁ ଆଣ୍ଟି-ରାଡିଏସନ ମୋଡରେ ପ୍ରଥମେ ସୁଖୋଇ-୩୦ରୁ ଅକ୍ଟୋବର ୯ ତାରିଖରେ ଓଡ଼ିଶା ତଟ ହ୍ୱିଲର ଦ୍ୱୀପରେ ପରୀକ୍ଷଣ କରାଯାଇଥିଲା । ଯାହାକି ଟାର୍ଗେଟକୁ ଧ୍ୱଂସ କରିଥିଲା । ସେନାରେ ‘ରୁଦ୍ରମ’କୁ ସାମିଲ୍ ପୂର୍ବରୁ ୬ରୁ ୭ ଥର ଏଭଳି ପରୀକ୍ଷଣ କରିବାକୁ ବାୟୁ ସେନା ଲକ୍ଷ୍ୟ ରଖିଛି ।

ଏହି ମିସାଇଲ୍ ବାୟୁ ସେନାରେ ସାମିଲ୍ ହେଲେ ଏହା ଶତ୍ରୁ ଦେଶର ଏୟାର ଡିଫେନ୍ସ ସିଷ୍ଟମକୁ ଚକମା ଦେବ । ରୁଦ୍ରମକୁ ପୁଣି ଥରେ ସୁଖୋଇ-୩୦ରୁ ବର୍ଷ ଶେଷ ସୁଦ୍ଧା ପରୀକ୍ଷଣ କରାଯିବ । ଏହା ବାଦ୍ ଭାରତ ଆଉ ଏକ ଏୟାର ଲଞ୍ଚଡ୍ ମିସାଇଲ୍ ତିଆରୁ କରୁଛି । ଯାହାର ଶତ୍ରୁର ଟ୍ୟାଙ୍କକୁ ୧୦ କିଲୋମିଟର ଦୂରରୁ ଟାର୍ଗେଟ୍ କରିବ । ଏହାର ପରୀକ୍ଷଣ ଆସନ୍ତା ୨ ମାସ ମଧ୍ୟରେ କରାଯିବ ।