ଭୁଲ ଚିକିତ୍ସା ନେଲା ଜୀବନ !

ସୋନପୁର: ଭୁଲ ଚିକିତ୍ସା ପାଇଁ ରୋଗୀର ମୃତ୍ୟୁ ଅଭିଯୋଗ । ସୁବର୍ଣ୍ଣପୁର ଜିଲ୍ଲା ବୀରମହାରାଜପୁରର ଘରୋଇ କ୍ଲିନିକରେ ଡାକ୍ତରଙ୍କ ଭୁଲ ଚିକିତ୍ସା ପାଇଁ ଜଣଙ୍କ ଜୀବନ ଯାଇଥିବା ଅଭିଯୋଗ ହୋଇଛି । ମୃତକ ଜଣକ ହେଲେ ରଥପୁର ଗାଁର କାର୍ତ୍ତିକ ମେହେର । କାର୍ତ୍ତିକଙ୍କ ମୃତ୍ୟୁ ପରେ କ୍ଲିନିକରେ ଉତ୍ତେଜନା ଦେଖା ଦେଇଛି । କ୍ଲିନକ ଆଗରେ ମୃତଦେହ ରଖି ପ୍ରତିବାଦ କରିଛନ୍ତି ଲୋକେ । ଘଟଣାସ୍ଥଳରେ ପୋଲିସ ମୁତୟନ ହୋଇଥିବା ବେଳେ ଡାକ୍ତର ଫେରାର ହୋଇଯାଇଥିବା ଜଣାପଡିଛି । ଡାକ୍ତର ଜଣଙ୍କ ବେଆଇନ ଭାବେ ବୀରମହାରାଜପୁରରେ କ୍ଲିନିକ୍ ଖୋଲି ଚିକିତ୍ସା କରୁଥିବା ଅଭିଯୋଗ ହୋଇଛି ।