କରୋନା ଉପରେ ବଡ଼ ନିଷ୍ପତ୍ତି, ଖାଲି ଷ୍ଟାଡିୟମରେ ଖେଳାଯିବ ରୋଡ୍ ସେଫ୍ଟି ବିଶ୍ୱ ସିରିଜ୍

ମୁମ୍ବାଇ: ସଚିନ ତେନ୍ଦୁଲକର ଏବଂ ବ୍ରାଏନ୍ ଲାରାଙ୍କ ପରି ମହାନ ଖେଳାଳିଙ୍କ ଉପସ୍ଥିତିରେ ରୋଡ୍ ସେଫ୍ଟି ବିଶ୍ୱ ସିରିଜ୍ ମ୍ୟାଚ୍ ମହାରାଷ୍ଟ୍ରରେ ଅନୁଷ୍ଠିତ ହେବାକୁ ଯାଉଛି । କିନ୍ତୁ ମହାମାରୀ କରୋନା ଭାଇରସ୍ ଆଶଙ୍କା ଥିବାରୁ ମ୍ୟାଚଟିକୁ ଖାଲି ଷ୍ଟାଡିୟମରେ ଖେଳାଯିବା ସୂଚନା ଦିଆଯାଇଛି । ଆୟୋଜକମାନେ ପୁଣେର ଗାହୁଞ୍ଜେରେ ଥିବା ଏମସିଏ ଷ୍ଟାଡିୟମରେ ଅନୁଷ୍ଠିତ ହେବାକୁ ଥିବା ଏହି ମ୍ୟାଚ୍ ଗୁଡ଼ିକୁ ନଭି ମୁମ୍ବାଇର ଡି.ୱାଇ ପାଟିଲ ଷ୍ଟାଡିୟମକୁ ମଧ୍ୟ ସ୍ଥାନାନ୍ତର କରିଛନ୍ତି ।

Skippers @sachin_rt and #TMDilshan during the toss at the on-going @IndiaLegends1 vs @LegendsSri match at @DYPatilStadium. @Colors_Cineplex @viacom18 @unacademy @royalenfield #unacademyroadsafetyworldseries #YehJungHaiLegendary #LegendsAreBack #voot #raveegaekwad #royalenfield pic.twitter.com/f0PSAtIoDT

— Road Safety World Series (@RSWorldSeries) March 10, 2020

ଆୟୋଜକମାନଙ୍କ ଦ୍ୱାରା ବୁଧବାର ବିଳମ୍ବିତ ରାତିରେ ଦିଆଯାଇଥିବା ସୂଚନା ଅନୁଯାୟୀ, ଦେଶରେ ବର୍ତ୍ତମାନର ସ୍ୱାସ୍ଥ୍ୟ ଜରୁରୀକାଳୀନ ପରିସ୍ଥିତିକୁ ଦୃଷ୍ଟିରେ ରଖି ରୋଡ୍ ସେଫ୍ଟି ବିଶ୍ୱ ସିରିଜର ସମସ୍ତ ହିତାଧିକାରୀ ନିଷ୍ପତ୍ତି ନେଇଛନ୍ତି ଯେ ରୋଡ୍ ସେଫ୍ଟି ବିଶ୍ୱ ସିରିଜର ଅବଶିଷ୍ଟ ସମସ୍ତ ମ୍ୟାଚ୍ ମାର୍ଚ୍ଚ ୧୩ ତାରିଖରୁ ଡି.ୱାଇ ପାଟିଲ ଷ୍ଟାଡିୟମରେ ଅନୁଷ୍ଠିତ ହେବ। ଏବଂ ସମସ୍ତ ମ୍ୟାଚ ଗୁଡ଼ିକ ବିନା ଦର୍ଶକରେ ଅନୁଷ୍ଠିତ କରାଯିବ ।

Skipper @JontyRhodes8 scores a 50 & takes @south_legends to victory! @RSWorldSeries @IndiesLegends @Colors_Cineplex @viacom18 @unacademy @bookmyshow #unacademyroadsafetyworldseries #YehJungHaiLegendary #LegendsAreBack #voot #raveegaekwad #roadsafety pic.twitter.com/b1FOdJxH5T

— Road Safety World Series (@RSWorldSeries) March 11, 2020

ସଂଶୋଧିତ କାର୍ଯ୍ୟସୂଚୀ ଅନୁଯାୟୀ ଶ୍ରୀଲଙ୍କା ଲିଜେଣ୍ଡସ୍ ଦଳ ଏହି ଦିନ ଦକ୍ଷିଣ ଆଫ୍ରିକା ଲିଜେଣ୍ଡସ୍ ଦଳ ସହ ମୁହାଁମୁହିଁ ହେବେ । ଅନ୍ୟପଟେ ବୁଧବାର ଦିନ ମହାରାଷ୍ଟ୍ରରେ କରୋନା ଭାଇରସର ୧୦ଟି ରିପୋର୍ଟ ସାମ୍ନାକୁ ଆସିଛି ।

ସୂଚନା ଅନୁଯାୟୀ, କରୋନା ଭାଇରସର ବ୍ୟାପିବା ସହ ମହାରାଷ୍ଟ୍ରରେ ମଧ୍ୟ ଏହାର କାୟା ବଢୁଥିବାରୁ ଆୟୋଜକ କମିଟି ସର୍ବସମ୍ମତି କ୍ରମେ ପୁଣେରେ ୧୪ ରୁ ୨୦ ମାର୍ଚ୍ଚରେ ଅନୁଷ୍ଠିତ ହେବାକୁ ଥିବା ସିରିଜର ତୃତୀୟ ପର୍ଯ୍ୟାୟ ଡି.ୱାଇ ପାଟିଲ ଷ୍ଟାଡିୟମକୁ ସ୍ଥାନାନ୍ତର କରାଯାଇଛି। ଏବଂ ଫାଇନାଲ୍ ସହିତ ଅନ୍ୟ ସମସ୍ତ ମ୍ୟାଚ୍ ଖାଲି ଷ୍ଟାଡିୟମରେ ସମାନ ସ୍ଥାନରେ ଅନୁଷ୍ଠିତ ହେବ ବୋଲି ସୂଚନା ଦିଆଯାଇଛି ।