ଅମ୍ଫାନ ବାତ୍ୟା: ପ୍ରଧାନମନ୍ତ୍ରୀ ମୋଦିଙ୍କ ୧ ହଜାର କୋଟି ଟଙ୍କା ସାହାଯ୍ୟ ଘୋଷଣା
କୋଲକୋତା: ବାତ୍ୟା ଅମ୍ଫାନ ପରବର୍ତ୍ତି ପରିସ୍ଥିତି ଅନୁଧ୍ୟାନରେ ପଶ୍ଚିମବଙ୍ଗ ଗସ୍ତରେ ଆସିଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ପ୍ରାରମ୍ଭିକ ସାହାଯ୍ୟ ଭାବେ ପଶ୍ଚମବଙ୍ଗକୁ ୧ ହଜାର କୋଟି ଟଙ୍କାର ସାହାଯ୍ୟ ଘୋଷଣା କରିଛନ୍ତି ।
ପ୍ରଧାନମନ୍ତ୍ରୀ ମୋଦି ଆଜି ସକାଳ ୧୦.୩୦ ମିନିଟରେ କୋଲକୋତାରେ ପହଂଚିଥିଲେ । କୋଲକୋତାରୁ ସେ ବିମାନଯୋଗେ ବାତ୍ୟା ପ୍ରଭାବିତ ଅଂଚଳର ଆକାଶମାର୍ଗରୁ କ୍ଷୟକ୍ଷତି ଆକଳନ କରିଥିଲେ । ବିମାନରେ ତାଙ୍କ ସହ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଥିଲେ ।
ଆକାଶ ମାର୍ଗରୁ ବାତ୍ୟା ପ୍ରଭାବିତ ଅଂଚଳ ପରିଦର୍ଶନ କରିବା ପରେ ପ୍ରଧାନମନ୍ତ୍ରୀ ମୋଦି କହିଥିଲେ ଯେ, ଦେଶର କରୋନା ଭାଇରସ ସଂକଟ ଲାଗି ରହିଥିବା ବେଳେ ପୂର୍ବ ଭାଗକୁ ବାତ୍ୟା ପ୍ରଭାବିତ କରିଛି । ରାଜ୍ୟ ଓ କେନ୍ଦ୍ର ସରକାର ଉଭୟ ଏହି ବାତ୍ୟା ପାଇଁ ପ୍ରସ୍ତୁତ ଥିଲେ ମଧ୍ୟ ୮୦ ଜଣ ବ୍ୟକ୍ତିଙ୍କ ଜୀବନ ଆମେ ବଞ୍ଚାଇ ପାରିନାହୁଁ । ଏହି ବାତ୍ୟା କାରଣରୁ ଅନେକ ସମ୍ପତ୍ତି ନଷ୍ଟ ହୋଇଛି ।
ପ୍ରଧାନମନ୍ତ୍ରୀ ପ୍ରାରମ୍ଭିକ ସହାୟତା ରାଶି ଭାବେ ୧ ହଜାର କୋଟି ଟଙ୍କାର ଘୋଷଣା କରିଛନ୍ତି । ଏହାସହ ବାତ୍ୟାରେ ପ୍ରାଣ ହରାଇଥିବା ବ୍ୟକ୍ତିଙ୍କ ନିକଟ ସମ୍ପର୍କୀୟଙ୍କ ପାଇଁ କ୍ଷତିପୁରଣର ମଧ୍ୟ ଘୋଷଣା କରିଛନ୍ତି । ମୃତକଙ୍କ ପରିଜନଙ୍କୁ ୨ ଲକ୍ଷ ଲେଖାଏ ଦେବାକୁ ସେ ଘୋଷଣା କରିଛନ୍ତି ।
ପ୍ରଧାନମନ୍ତ୍ରୀ ମୋଦିଙ୍କ ସହ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ,ରାଜ୍ୟପାଳ ଜଗଦୀପ ଧନକଡ ଓ କିଛି କେନ୍ଦ୍ର ମନ୍ତ୍ରୀ ଆକାଶ ମାର୍ଗରୁ ସର୍ଭେ କରିଥିଲେ ।
ଗସ୍ତ ପୂର୍ବରୁ କେନ୍ଦ୍ର କ୍ୟାବିନେଟ ସଚିବଙ୍କୁ ପ୍ରାଥମିକ କ୍ଷୟକ୍ଷତି ରିପୋର୍ଟ ଦେଲା ରାଜ୍ୟ
