କଙ୍ଗନାଙ୍କୁ ସାକ୍ଷାତ କଲେ ଅଠବାଲେ: କହିଲେ, ରାଜନୀତିରେ ସାମିଲ ହେଲେ ସ୍ୱାଗତ କରିବ BJP ଓ RPI
1 min read
ମୁମ୍ୱାଇ: ମହାରାଷ୍ଟ୍ରରେ କ୍ଷମତାସୀନ ଶିବସେନା ଏବଂ ବଲିଉଡ୍ ଅଭିନେତ୍ରୀ କଙ୍ଗନା ରାଣାଓ୍ୱତଙ୍କ ମଧ୍ୟରେ ଜାରି ଘମାସାନ ମଧ୍ୟରେ ଗୁରୁବାର କଙ୍ଗନାଙ୍କୁ ସାକ୍ଷାତ କରିଛନ୍ତି କେନ୍ଦ୍ର ମନ୍ତ୍ରୀ ରାମଦାସ ଅଠବାଲେ । ସେ କଙ୍ଗନାଙ୍କ ସୁରକ୍ଷା ନେଇ ପ୍ରତିଶ୍ରୁତି ଦେବା ସହ ରାଜନୀତିକୁ ଆସିଲେ ତାଙ୍କୁ ଉଭୟ ବିଜେପି ଓ ଆରପିଆଇ ସ୍ୱାଗତ କରିବ ବୋଲି କହିଛନ୍ତି ଅଠାବଲେ । ଅପରପକ୍ଷରେ କଙ୍ଗନା କହିଛନ୍ତି ଯେ, ତାଙ୍କର ରାଜନୀତିରେ ରୁଚି ନାହିଁ । କିନ୍ତୁ ସମାଜରେ ଏକତା ବଜାୟ ରଖିବାରେ ରୁଚି । ନିଜର ଆଗାମୀ ଫିଲ୍ମରେ ସେ ଦଳିତ ଭୂମିକାରେ ନଜର ଆସିବେ ଏବଂ ଜାତି ବ୍ୟବସ୍ଥା ସମାପ୍ତ କରିବାକୁ ମଧ୍ୟ କଥା ହୋଇଛନ୍ତି ।
महामानव डॉ बाबासाहेब आंबेडकरांनी देशाला दिलेल्या संविधनावर माझी पूर्ण श्रद्धा विश्वास असल्याचे आज अभिनेत्री कंगना राणावत यांनी मला सांगितले. त्यांना रिपाइं चा पाठिंबा मिळाल्याबद्दल धन्यवाद मानले. pic.twitter.com/1j89e9egEB
— Dr.Ramdas Athawale (@RamdasAthawale) September 10, 2020
ଦୀର୍ଘ ସମୟର ଆଲୋଚନା ପରେ ଗଣମାଧ୍ୟମକୁ ସୂଚନା ଦେଇ ଅଠବାଲେ କହିଛନ୍ତି ଯେ, କଙ୍ଗନା ରାଜନୀତିରେ ଯୋଗଦେବାକୁ ମନା କରିଦେଇଛନ୍ତି । ସେ ଫିଲ୍ମ ଇଣ୍ଡଷ୍ଟ୍ରିରେ କାମ କରିବାକୁ ଚାହୁଁଛନ୍ତି । ରାଜନୀତିରେ ଯୋଡ଼ି ହେବା ନେଇ ତାଙ୍କ କୌଣସି ଇଚ୍ଛାନାହିଁ । କିନ୍ତୁ ସେ ଯଦି ବିଜେପି କିମ୍ୱା ଆରପିଆଇ ଯୋଗଦେବାକୁ ଚାହିଁଲେ ଆମେ ତାଙ୍କୁ ସ୍ୱାଗତ କରିବୁ ।
