କ୍ରୀଡା ବିଭାଗକୁ ହସ୍ତାନ୍ତର କରାଗଲା ନବନିର୍ମିତ ବହୁମୁଖୀ ଇଣ୍ଡୋର ଷ୍ଟାଡିୟମ

ରାଉରକେଲା: ରାଉରକେଲା ସହରରେ ଥିବା ଵିଶ୍ଵର ସର୍ଵ ଵୃହତ ହକି ଷ୍ଟାଡିୟମ୍ ନିକଟରେ ନିର୍ମିତ ହୋଇଛି ଆନ୍ତର୍ଜାତୀୟ ସ୍ତରର ବହୁମୁଖି ଇଣ୍ଡୋର ଷ୍ଟାଡିୟମ।  ରାଉରକେଲା ସହରର ଛେଣ୍ଡ କଲୋନୀରେ ରାଜ୍ୟ ସରକାରଙ୍କ ୧୦ କୋଟି ଟଙ୍କା ଆର୍ଥିକ ଅନୁଦାନରେ ନିର୍ମିତ ହୋଇଥିବା ବହୁମୁଖି ଇଣ୍ଡୋର ଷ୍ଟାଡିୟମକୁ କ୍ରୀଡା ବିଭାଗକୁ ହସ୍ତାନ୍ତର କରାଯାଇଛି।

ଖେଳାଳିଙ୍କ ବିକାଶ ପାଇଁ ରାଜ୍ୟସରକାରଙ୍କ ଆଉ ଏକ ଯୁଗାନ୍ତକାରୀ ପଦକ୍ଷେପ । ୧୦ କୋଟି ଟଙ୍କା ଆର୍ଥିକ ଅନୁଦାନରେ ଛେଣ୍ଡ କଲୋନୀରେ ନିର୍ମିତ ହୋଇଛି ଏହି ଇଣ୍ଡୋର ଷ୍ଟାଡିୟମ  । ଏହି ହସ୍ତାନ୍ତର ପ୍ରକିୟା କାର୍ଯ୍ୟକ୍ରମରେ ଉପସ୍ଥିତ ରହିଥିଲେ ରାସ୍ତା ଓ ଗୃହ ନିର୍ମାଣ ବିଭାଗର ବରିଷ୍ଠ ଯନ୍ତ୍ରୀ ଓ କ୍ରୀଡ଼ା ଵିଭାଗର ଅଧିକାରୀ । ବହୁମୁଖି ଇଣ୍ଡୋର ଷ୍ଟାଡିୟମରେ ଆନ୍ତର୍ଜାତୀୟ ସ୍ତରର ୩ ଟି ଟେବୁଲ ଟେନିସ, ଦୁଇଟି ଜିମ, ଓ୍ଵେଟଲିପଟିଙ୍ଗ, ଯୋଗରୁମ, , ଜିମନାସିୟମ ରହିଛି ।

ରାଜ୍ୟ ସରକାରଙ୍କ ପକ୍ଷରୁ ସୁନ୍ଦରଗଡ଼ ଜିଲ୍ଲାର ତିନୋଟି ସ୍ଥାନରେ ବହୁମୂଖୀ ଇଣ୍ଡୋର ଷ୍ଟାଡିୟମ ନିର୍ମାଣ କରାଯାଇଛି ।  ବୀରମିତ୍ରପୁର ଓ ରାଉରକେଲା  ସହରରେ ବହୁମୁଖି ଇଣ୍ଡୋର ଷ୍ଟାଡିୟମ ନିର୍ମାଣ ହୋଇଥିବା ବେଳେ ରାଜଗାଙ୍ଗପୁର ଠାରେ ବହୁମୁଖି ଇଣ୍ଡୋର ଷ୍ଟାଡିୟମ ନିର୍ମାଣ କାର୍ଯ୍ୟ ଶେଷ ପର୍ଯ୍ୟାୟରେ ପହଁଚିଛି । ଏହି ବହୁମୁଖି ଇଣ୍ଡୋର ଷ୍ଟାଡିୟମରେ କୋଚମାନେ ମାଗଣାରେ ତାଲିମ ଦେଵାର ଵ୍ୟଵସ୍ଥା କରାଯାଇଛି । ପରେ କିଛି ଅର୍ଥଦେଇ ତାଲିମ ଗ୍ରହଣ କରିଵାର ଵ୍ୟଵସ୍ଥା କରାଯାଇଛି । ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଵିଭିନ୍ନ ମହଲରେ ଧନ୍ୟବାଦ ଅର୍ପଣ କରାଯାଉଛି ।