ରାଉରକେଲାରୁ ଚୋରି ନାବାଳକ ପଶ୍ଚିମବଙ୍ଗରୁ ଉଦ୍ଧାର, ୪ ଗିରଫ

ରାଉରକେଲା: ଷ୍ଟେସନରୁ ନାବାଳକଙ୍କୁ ଚୋରି, ୩୭୦ କିଲୋମିଟର ଦୂରରେ ବିକ୍ରି । ବନ୍ଧାହେଲେ ୩ ମହିଳାଙ୍କ ସମେତ ୪ ଅଭିଯୁକ୍ତ । ଗତ ୪ ତାରିଖରେ ରାଉରକେଲା ଷ୍ଟେସନ ପରିସରରୁ ୫ ବର୍ଷର ନାବାଳକଙ୍କୁ ଶେକ୍ ବାବ ନାମକ ଯୁବକ ଚୋରି କରି ନେଇଥିଲେ । ଚୋରି କରିବା ପରେ ସନ୍ତୋଷୀ ନାୟକ ଓ ନିର୍ମଳା ଦାସଙ୍କୁ ଶିଶୁପୁତ୍ରକୁ ଦେଇ ଦେଇଥିଲେ ।

ପରେ ୨ ମହିଳା ରାଉରକେଲାରୁ ୩୭୦ କିଲୋମିଟର ଦୂର ପଶ୍ଚିମବଙ୍ଗର ମେଦିନାପୁରର ମନହର ବିବିଙ୍କୁ ଛୁଆଟିକୁ ବିକ୍ରି କରିଦେଇଥିଲେ । ପ୍ରାଥମିକ ତଦନ୍ତରୁ ପୋଲିସ ଏ ତଥ୍ୟ ଜାଣିବାକୁ ପାଇଛି । ଚୋରି ନାବାଳକକୁ ରାଉରକେଲା ପ୍ଲାଣ୍ଟ ସାଇଟ୍ ଥାନା ପୋଲିସ ଉଦ୍ଧାର କରିବା ସହ ୩ ମହିଳା ଓ ଜଣେ ପୁରୁଷଙ୍କୁ ଗିରଫ କରିଛି । ଘଟଣାରେ ଅଧିକ ତଦନ୍ତ ଜାରି ରହିଛି ।

Rourkela Plant Police Rescued Minor Boy And Arrested 4