ରାଉରକେଲା ଶିଶୁ ବିକ୍ରି ଘଟଣାରେ ୫ ଜଣ ମହିଳାଙ୍କୁ ରିମାଣ୍ଡରେ ଆଣିଲା ପୋଲିସ

ରାଉରକେଲା: ଶିଶୁ ବିକ୍ରି ରାକେଟର ସାତ ଜଣ ଗିରଫ ହେବା ଘଟଣା। ୫ଜଣ ମହିଳାଙ୍କୁ ରିମାଣ୍ଡରେ ଆଣି ପଚରାଉଚରା ଆରମ୍ଭ କଲା ପ୍ଲାଣ୍ଟ ସାଇଟ ଥାନା ପୋଲିସ । ବରିଷ୍ଠ ପୋଲିସ ଅଧିକାରୀ, ଶିଶୁ ମଙ୍ଗଳ କମିଟି ସଦସ୍ୟ ଓ ପ୍ଲାଣ୍ଟ ସାଇଟ ଥାନା ପୋଲିସ ପକ୍ଷରୁ ପଚରାଉଚରା ଜାରି । ଆଜି ଓ ଆସନ୍ତାକାଲି ପାଇଁ ଦୁଇ ଦିନିଆ ରିମାଣ୍ଡରେ ଆଣି ପୋଲିସ ପକ୍ଷରୁ ପଚରାଉଚରା ଆରମ୍ଭ କରିଛି । ଦେଢ ବର୍ଷର ଜଣେ ଶିଶୁକୁ ବିକ୍ରି କରାଯାଇଥିବା ଗତ ୨୬ ତାରିଖ ପ୍ଲାଣ୍ଟ ସାଇଟ ଥାନାରେ ଅଭିଯୋଗ ହୋଇଥିଲା। ଅଭିଯୋଗ ପରେ ପାଞ୍ଚ ଜଣ ମହିଳା ଓ ଦୁଇ ଜଣ ଯୁବକ ଗିରଫ ହୋଇ କୋର୍ଟ ଚାଲାଣ ହୋଇଥିଲେ । ରାଉରକେଲା ସହରରୁ ୨୫ରୁ ଅଧିକ ଶିଶୁଙ୍କୁ ବିକ୍ରୀ କରାଯାଇଥିବା ଓ ୨୧ ଜଣ ଶିଶୁ ନିଖୋଜ ଅଛନ୍ତି। ଆଜି ପୋଲିସର ଦୁଇଟି ସ୍ବତନ୍ତ୍ର ଟିମ ରାଜ୍ୟ ବାହାରକୁ ତଦନ୍ତ ପାଇଁ ଯିବେ।

ଏଥିସହି ପଢ଼ନ୍ତୁ: ରାଉରକେଲାରୁ ରାଜ୍ୟ ବାହାରେ ବିକ୍ରି ହେଉଥିଲା, ଶିଶୁ କନ୍ୟା ବାବଦକୁ ୮୦ ହଜାର ଓ ଶିଶୁପୁତ୍ରକୁ ୪ ଲକ୍ଷ ଟଙ୍କା