ରାଉରକେଲା: ରାଉରକେଲା ବିଜେଡିର ପ୍ରେସମିଟ୍। ଇସ୍ପାତ ଜେନେରାଲ ହସ୍ପିଟାଲକୁ ମେଡିକାଲ କଲେଜ ଓ ସୁପର ସ୍ପେଶିଆଲିଟି ହସ୍ପିଟାଲ କରିବା ପାଇଁ ୨୦୧୫ ମସିହାରେ ପ୍ରତିଶୃତି ଦେଇଥିଲେ ପ୍ରଧାନମନ୍ତ୍ରୀ । ତେବେ ପ୍ରତିୃଶୃତି ଅନୁସାରେ ମେଡିକାଲ କଲେଜ ହୋଇନଥିବାରୁ ପ୍ରଧାନମନ୍ତ୍ରୀ ରାଉରକେଲା ଏବଂ ଓଡ଼ିଶା ପ୍ରତି ଅବହେଳା ଓ ପ୍ରତାରଣା କରିଥିବା ସାମ୍ୱାଦିକ ସମ୍ମିଳନୀରେ ଅଭିଯୋଗ କରିଛି ବିଜେଡି। ଏପରିକି ସୁପର ସ୍ପେଶିଆଲିଟି ହସ୍ପିଟାଲ ପାଇଁ ଆବଶ୍ୟକ ଭିତ୍ତିଭୂମି, ଡାକ୍ତର ଓ କର୍ମଚାରୀଙ୍କୁ ନିଯୁକ୍ତି କରାଯାଇନାହିଁ। ଏଭଳିସ୍ଥଳେ ଆସନ୍ତା ୨୧ ତାରିଖରେ ରାଷ୍ଟ୍ରପତି କେବଳ ସୁପର ସ୍ପେଶିଆଲିଟି ହସ୍ପିଟାଲ କୋଠାଘରର ଉଦଘାଟନ କରିବାର କାର୍ଯ୍ୟକ୍ରମ ରହିଛି, ଯାହାକୁ ରାଉରକେଲାବାସୀ ବିରୋଧ କରିଛନ୍ତି ବୋଲି ପ୍ରେସ୍ମିଟରେ ବିଜେଡି କହିଛି। ସହରର ନାଗରିକ କମିଟି ସମେତ ବିଭିନ୍ନ ସଂଗଠନ, ରାଜନୈତିକ ଦଳ ଓ ବୁଦ୍ଧିଜୀବୀମାନେ ଏହାକୁ ନେଇ ଅସନ୍ତୋଷ ପ୍ରକାଶ କରିବା ସହ ଆସନ୍ତା ୧୯ ତାରିଖରେ ମାନଵ ଶୃଙ୍ଖଳ କରି ପ୍ରତିବାଦ କରିବା ପାଇଁ ନିଷ୍ପତ୍ତି ନେଇଛନ୍ତି । ଏହି କାର୍ଯ୍ୟକ୍ରମକୁ ସମର୍ଥନ ଘୋଷଣା କରିଛି ବିଜେଡି ।
