ରାଉରକେଲା ଵିମାନ ଵନ୍ଦର ଭିତ୍ତିଭୂମିର ବିକାଶ ପାଇଁ କେନ୍ଦ୍ରର ଚରମ ଅବହେଳା, ସ୍ବୀକାର କଲେ ବିଜେପି ସାଂସଦ
1 min read
ରାଉରକେଲା: ରାଉରକେଲା ଵିମାନ ଵନ୍ଦର ଭିତ୍ତିଭୂମିର ବିକାଶ ପାଇଁ କେନ୍ଦ୍ରର ଚରମ ଅବହେଳା । ଏହା ବିଜେପି ସାଂସଦ ମଧ୍ୟ ସ୍ବୀକାର କରିଛନ୍ତି । ଉଡାନ ସ୍କିମରେ ଦେଶରେ ଚିହ୍ନଟ ହୋଇଥିଵା ଶହେ ଵିମାନ ଵନ୍ଦର ମଧ୍ୟରୁ ରାଉରକେଲା ଵିମାନ ଵନ୍ଦର ୫ ନମ୍ବର ସ୍ଥାନରେ ଥିବା ଵେଳେ ରାଉରକେଲା ଵିମାନ ଵନ୍ଦରର ଉନ୍ନତିକରଣ କାର୍ଯ୍ୟ ହେଉନଥିଵା ଅଭିଯୋଗ ହୋଇଛି । ରାଉରକେଲା ଵିମାନ ଵନ୍ଦରର ଉନ୍ନତିକରଣ କାର୍ଯ୍ୟ କରିବା ପାଇଁ ରାଉରକେଲା ସହରଵାସୀଙ୍କ ବାରମ୍ବାର ଦାବି ସତ୍ତ୍ୱେ କେନ୍ଦ୍ର ସରକାର ଅବହେଳା କରୁଥିବାରୁ ରାଜ୍ୟ ସରକାରଙ୍କ ଆର୍ଥିକ ସହାୟତାରେ ରାଉରକେଲା ଵିମାନ ଵନ୍ଦର ଭିତ୍ତିଭୂମିର ବିକାଶ ହେଵା କାର୍ଯ୍ୟ ଆରମ୍ଭ ହେବ ପାଇଁ ନିଷ୍ପତ୍ତି ହୋଇଛି । ରାଉରକେଲା ଵିମାନ ଵନ୍ଦରର ଉନ୍ନତି କରଣ କାର୍ଯ୍ୟ ପାଇଁ ଡିଟେଲ ପ୍ରୋଜେକ୍ଟ ରିପୋର୍ଟ ପ୍ରସ୍ତୁତ କରିବାକୁ ରାଜ୍ୟ ସରକାର ଏକ କୋଟି ୧୦ ଲକ୍ଷ ଟଙ୍କା ଅର୍ଥ ମଞ୍ଜୁର କରିଛନ୍ତି । ଏଥିପାଇଁ ରାଜ୍ୟ ସରକାରଙ୍କ ବାଣିଜ୍ୟ ଓ ପରିଵହନ ଵିଭାଗ ପକ୍ଷରୁ ଜେନେରାଲ ମ୍ୟାନେଜର ଏୟାରପୋର୍ଟ RITES ଲିମିଟେଡକୁ ଚିଠି କରାଯାଇଛି ।
