ସ୍ୱାସ୍ଥ୍ୟ କର୍ମୀ ତଥା ଆଶା କର୍ମୀଙ୍କୁ ସୁରକ୍ଷା ଦେବାକୁ ନିଷ୍ପତ୍ତି

ରାଉରକେଲା: କରୋନାକୁ ନେଇ ସମସ୍ତେ ସଜାଗ ଥିବା ବେଳେ କରୋନା ଯୋଦ୍ଧାଙ୍କୁ ଆକ୍ରମଣ ସମସ୍ତଙ୍କ ଦୃଷ୍ଟି ଆକର୍ଶଣ କରିଛି । ରାଉରକେଲାରେ ଏଭଳି ଆକ୍ରମଣ କରଣରୁ ଦୃଢ ନିଷ୍ପତ୍ତି ନେଇଛନ୍ତି ରାଉରକେଲା ପ୍ରଶାସନ ।

ସ୍ୱାସ୍ଥ୍ୟ କର୍ମୀ ତଥା ଆଶା କର୍ମୀଙ୍କୁ ସୁରକ୍ଷା ଯୋଗାଇ ଦେବାକୁ ନିଷ୍ପତ୍ତି ନେଛନ୍ତି ରାଉରକେଲା ପ୍ରଶାସନ । କଣ୍ଟେନମେଣ୍ଟ ଜୋନ୍‌ରେ କାର୍ଯ୍ୟରତ ଆଶା କର୍ମୀ, ଅଙ୍ଗନବାଡି କର୍ମୀ ତଥା ଅନ୍ୟ ସ୍ୱାସ୍ଥ୍ୟ କର୍ମୀଙ୍କୁ ସୁରକ୍ଷା ଦାବିରେ ଗତକାଲି କାମ ବନ୍ଦ ଆନ୍ଦୋଳନ ହୋଇଥିଲା । ଫଳରେ ଗତକାଲିଠାରୁ  ରାଉରକେଲା ମହାନଗର ନିଗମ ପକ୍ଷରୁ ଆଶା କର୍ମୀ, ଅଙ୍ଗନବାଡି କର୍ମୀ ତଥା ଅନ୍ୟ ସ୍ୱାସ୍ଥ୍ୟ କର୍ମୀଙ୍କ ସହ ଆଲଲୋଚନା ଚାଲିଥିଲା  । ବୈଠକ ପରେ ସେମାନଙ୍କ ଆବଶ୍ୟକୀୟ ସୁରକ୍ଷା ପ୍ରଦାନ ପାଇଁ ନିଷ୍ପତ୍ତି ହୋଇଛି । ଆଜିଠାରୁ ରାଉରକେଲା କଣ୍ଟେନମେଣ୍ଟ ଜୋନର ସମସ୍ତ ସ୍ୱାସ୍ଥ୍ୟ କର୍ମୀ ପୋଲିସ ସୁରକ୍ଷାରେ କାର୍ଯ୍ୟ କରିବେ । ଏନେଇ ସୁନ୍ଦରଗଡ଼ ଜିଲ୍ଲା ମୁଖ୍ୟ ଚିକିତ୍ସାଧାରୀ ସୂଚନା ଦେଇଛନ୍ତି । ଗତକାଲି ସଂପୃକ୍ତ କଣ୍ଟେନମେଣ୍ଟ ଜୋନରେ ଆଶା କର୍ମୀ, ଅଙ୍ଗନବାଡି କର୍ମୀ ତଥା ଅନ୍ୟ ସ୍ୱାସ୍ଥ୍ୟ କର୍ମୀଙ୍କୁ ଦୁର୍ବ୍ୟବହାର ପ୍ରଦର୍ଶନ ଅଭିଯୋଗ ହୋଇଥିଲା ।