ଆଇପିଏଲକୁ ନେଇ କାଉଣ୍ଟ ଡାଉନ ଆରମ୍ଭ, ଜାଣନ୍ତୁ ବିରାଟ ଏବଂ ରୋହିତଙ୍କ ସମ୍ପର୍କରେ କିଛି ଅଜଣା କଥା

ନନ୍ଦିଘୋଷ ବ୍ୟୁରୋ: ଆସନ୍ତା ୨୨ ତାରିଖରୁ ଆରମ୍ଭ ହେବାକୁ ଯାଉଛି ବିଶ୍ବର ସବୁଠାରୁ ଧନୀ କ୍ରିକେଟ ଲିଗ୍ ଆଇପିଏଲ । ଆଗକୁ ଟି-୨୦ ବିଶ୍ବକପ ଅନୁଷ୍ଠିତ ହେବାକୁ ଥିବାବେଳେ ଏହି ସିଜିନ ଉପରେ ସମସ୍ତଙ୍କ ନଜର ରହିଛି । ତେବେ ସବୁ ମ୍ୟାଚଠାରୁ ରୋହିତ- କୋହଲିଙ୍କ ଟକ୍କର କିଭଳି ହେବ ତାହା ଉପରେ ରହିଛି ସମସ୍ତଙ୍କ ନଜର । ମୁମ୍ବାଇ ଇଣ୍ଡିଆନ୍ସ ଏବଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟରେ ଖେଳାଯିବାକୁ ଥିବା ମ୍ୟାଚ୍ ବେଶ ରୋମାଞ୍ଚକ ହେବା ସହ ସଂଘର୍ଷପୂର୍ଣ୍ଣ ହେବ ବୋଲି ଆଶା ରଖିଛନ୍ତି କ୍ରିକେଟ ପ୍ରେମୀ । ରୋହିତ ଶର୍ମା ହାର୍ଦ୍ଦିକ ପାଣ୍ଡ୍ୟାଙ୍କ ଅଧିନାୟକତ୍ବରେ ମଇଦାନକୁ ଓହ୍ଲାଉଛନ୍ତି । ଚଳିତ ଆଇପିଏଲର ସବୁ ମ୍ୟାଚ ଗୋଟିଏ ପଟେ ଏବଂ ମୁମ୍ବାଇ- ବାଙ୍ଗାଲୋର ମ୍ୟାଚ ଗୋଟିଏ ପଟେ ବୋଲି କହିପାରିବା । ସେପଟେ ରନରେଟରେ ମଧ୍ୟ ଉଭୟଙ୍କ ମଧ୍ୟରେ ଟକ୍କର ହେବ ।