ଅଧିନାୟକ ହେବା ପରେ ପ୍ରଥମ ଥର ମୁହଁ ଖୋଲିଲେ ରୋହିତ, ବିରାଟଙ୍କୁ ନେଇ କହିଲେ ଏମିତି କିଛି…

ନୂଆଦିଲ୍ଲୀ: ଗତ ବୁଧବାର ବିସିସିଆଇ ଏକ ବଡ଼ ନିଷ୍ପତି ନେଇଛି । ଭାରତୀୟ କ୍ରିକେଟ ଦଳର ଦିନିକିଆ ଅଧିନାୟକ ପଦରୁ ବିରାଟ କୋହଲିଙ୍କୁ ବାହାର କରି ତାଙ୍କ ସ୍ଥାନରେ ରୋହିତ ଶର୍ମାଙ୍କୁ ଅଧିନାୟକ ଭାବରେ ନିଯୁକ୍ତି କରିଛି । ଚଳିତ ବର୍ଷ ଦୁବାଇରେ ହୋଇଥିବା ଟି-୨୦ ବିଶ୍ୱକପ ପୂର୍ବରୁ ବିରାଟ କୋହଲି ଘୋଷଣା କରିଥିଲେ କି ସେ ଟି-୨୦ ବିଶ୍ୱକପ ପରେ ଟି-୨୦ରେ ଆଉ ଅଧିନାୟକତ୍ୱ କରିବେ ନାହିଁ। ଟି-୨୦ରୁ ଅଧିନାୟକ ପଦ ଛାଡିବା ପରେ ଏବେ ଦିନିକିଆରୁ ମଧ୍ୟ ଯାଇଛି ବିରାଟଙ୍କ ଅଧିନାୟକ ପଦ । ଆଗାମୀ ଦକ୍ଷିଣ ଆଫ୍ରିକା ଗସ୍ତଠାରୁ ଦିନିକିଆରେ ଅଧିନାୟକତ୍ୱ ଭାର ତୁଲାଇବେ ରୋହିତ ଶର୍ମା ।

Goals & excitement ?
Working with Rahul Dravid ?@imVkohli's legacy as India's white-ball captain ?#TeamIndia's new white-ball captain @ImRo45 discusses it all in this special feature for https://t.co/Z3MPyesSeZ ? ?

Watch the full interview ? ?https://t.co/JVS0Qff905 pic.twitter.com/kFlqZxWh5t

— BCCI (@BCCI) December 13, 2021

ରୋହିତ ଶର୍ମା ଅଧିନାୟକ ହେବା ପରେ ପ୍ରଥମ ଥର ପାଇଁ ପୂର୍ବତନ ଅଧିନାୟକ ବିରାଟ କୋହଲିଙ୍କୁ ନେଇ ମୁହଁ ଖୋଲିଛନ୍ତି । ରୋହିତ ଶର୍ମା ବିଶ୍ୱକପ, ରାହୁଲ ଦ୍ରାବିଡ ଓ ପୂର୍ବତନ ଅଧିନାୟକ ବିରାଟ କୋହଲିଙ୍କୁ ନେଇ ପ୍ରଥମ ଥର ପାଇଁ ମୁହଁ ଖୋଲିଛନ୍ତି । ନୂଆ କରି ଅଧିନାୟକ ହୋଇଥିବା ରୋହିତ ବିରାଟଙ୍କୁ ପ୍ରଶଂସା କରିବା ସହ ବ୍ୟାଟ୍ସମ୍ୟାନ ଭାବରେ ଦଳରେ ତାଙ୍କର ଗୁରୁତ୍ୱପୂର୍ଣ୍ଣ ଭୂମିକା ଥିବା କହିଛନ୍ତି । BCCIକୁ ଦେଇଥିବା ସାକ୍ଷାତକାରରେ ରୋହିତ କହିଥିଲେ କି ବିରାଟ ଚତ୍ମକାର ଭାବରେ ୫ ବର୍ଷ ଭାରତୀୟ ଦଳର ନେତୃତ୍ୱ ନେଇଥିଲେ । ବିରାଟ ଭାରତୀୟ ଦଳକୁ ଯେଉଁଠାରେ ପହଞ୍ଚାଇଛନ୍ତି ସେଠାରୁ ଆଉ ଦଳ ପଛକୁ ଫେରିବ ନାହିଁ । କୋହଲିଙ୍କ ନେତୃତ୍ୱରେ ଦଳରେ ଗୋଟିଏ ମାତ୍ର ଲକ୍ଷ୍ୟ ଥିଲା ତାହା ହେଉଛି କିପରି ବିଜୟ ଲାଭ କରାଯିବ ।

ଅଧିନାୟକ ରୋହିତ ଶର୍ମା କହିଛନ୍ତି କି ମୁଁ ବିରାଟ କୋହଲିଙ୍କ ସହ ବହୁତ କ୍ରିକେଟ ଖେଳିଛି । ଆମକୁ ଏକ ଦଳ ଭାବରେ ଆଗକୁ ବଢ଼ିବାକୁ ହେବ ଏବଂ ଉନ୍ନତି ମଧ୍ୟ କରିବାକୁ ପଡ଼ିବ ବୋଲି କହିଛନ୍ତି ରୋହିତ ଶର୍ମା । ଟି-୨୦ରେ ଅଧିନାୟକ ପଦ ପାଇବା ପରେ ମଧ୍ୟ ରୋହିତ ଶର୍ମା ପ୍ରତିକ୍ରିୟା ଦେଇଥିଲେ । ସେ କହିଥିଲେ କି ବିରାଟ କୋହଲି ବିଶ୍ୱର ସବୁଠାରୁ ଭଲ ବ୍ୟାଟ୍ସମ୍ୟାନଙ୍କ ମଧ୍ୟରେ ଅନ୍ୟତମ । କେବଳ ଜଣେ ଭଲ ବ୍ୟାଟ୍ସମ୍ୟାନ ନୁହଁ ଜଣେ ଭଲ ଲିଡର ମଧ୍ୟ । ବ୍ୟାଟ୍ସମ୍ୟାନ ଭାବରେ ଭାରତୀୟ ଦଳ ପାଇଁ ତାଙ୍କ ଭୂମିକା ଗୁରୁତ୍ୱପୂର୍ଣ୍ଣ ବୋଲି କହିଥିଲେ ରୋହିତ ଶର୍ମା ।