ଇତିହାସ ରଚିଲେ ରୋହିତ ଶର୍ମା, ଟି-୨୦ କ୍ରିକେଟରେ କଲେ ସର୍ବାଧିକ ରନ ସ୍କୋର

ଲକ୍ଷ୍ନୌ: ଭାରତ-ଶ୍ରୀଲଙ୍କା ମଧ୍ୟରେ କାଲିଠାରୁ ଆରମ୍ଭ ହୋଇଛି ଟି-୨୦ ସିରିଜ୍ । ଏହି ସିରିଜର ପ୍ରଥମ ମ୍ୟାଚ ଗତକାଲି ଲକ୍ଷ୍ନୌରେ ଖେଳାଯାଇଥିଲା । ଏହି ମ୍ୟାଚକୁ ଭାରତ ୬୨ ରନରେ ଜିତି ନେଇଛି । ଏହି ମ୍ୟାଚରେ ବିଜୟ ସହ ଇତିହାସ ରଚିଛନ୍ତି ଭାରତୀୟ ଦଳର ଅଧିନାୟକ ରୋହିତ ଶର୍ମା । ଲକ୍ଷ୍ନୌରେ ଖେଳାଯାଇଥିବା ପ୍ରଥମ ଟି-୨୦ରେ ରୋହିତ ଶର୍ମା ଟି-୨୦ କ୍ରିକେଟରେ ସବୁଠାରୁ ଅଧିକ ରନ ସ୍କୋର କରିବାର କ୍ରିକେଟର ହୋଇଛନ୍ତି । ଭାରତୀୟ ଦଳର ଅଧିନାୟକ ରୋହିତ ଶର୍ମା ନ୍ୟୁଜିଲାଣ୍ଡର ମାର୍ଟିନ ଗପ୍ଟିଲ ଓ ଭାରତୀୟ ଦଳର ପୂର୍ବତନ ଅଧିନାୟକ ବିରାଟ କୋହଲିଙ୍କୁ ପଛରେ ପକାଇଛନ୍ତି ।

Milestone ? – Captain @ImRo45 now sits atop the leading run-scorer in T20Is list ??#TeamIndia pic.twitter.com/4SzIDCXuTM

— BCCI (@BCCI) February 24, 2022

ଏହି ମ୍ୟାଚ ପୂର୍ବରୁ ରୋହିତ ଶର୍ମା ଏହି କିର୍ତ୍ତିମାନ କରିବାକୁ ୩୭ ରନ ଆବଶ୍ୟକ ରହିଥିଲା । ଶ୍ରୀଲଙ୍କା ବିପକ୍ଷରେ ପ୍ରଥମଟି-୨୦ରେ ଯେତେବେଳେ ରୋହିତ ୩୭ ରନ କରିଥିଲେ ସେ ଟି-୨୦ କ୍ରିକେଟରେ ସର୍ବାଧିକ ରନ ସ୍କୋର କରିବାର ଖେଳାଳି ହୋଇଛନ୍ତି । ଟି-୨୦ କ୍ରିକେଟରେ ରୋହିତ ଶର୍ମା ୧୨୩ଟି ମ୍ୟାଚ ଖେଳି ୩ ହଜାର ୩୦୭ ରନ କରି ପ୍ରଥମ ସ୍ଥାନରେ ରହିଛନ୍ତି । ସେହିପରି ଦ୍ୱିତୀୟ ସ୍ଥାନରେ ନ୍ୟୁଜିଲାଣ୍ଡ କ୍ରିକେଟର ମାର୍ଟିନ ଗପ୍ଟିଲ ୧୧୨ ମ୍ୟାଚରେ ୩ ହଜାର ୨୯୯ ରନ କରିଛନ୍ତି ଓ ତୃତୀୟ ସ୍ଥାନରେ ଭାରତୀୟ ଦଳର ପୂର୍ବତନ ଅଧିନାୟକ ବିରାଟ କୋହଲି ୯୭ ମ୍ୟାଚ ଖେଳି ୩ ହଜାର ୨୯୬ ରନ ସ୍କୋର କରିଛନ୍ତି ।