ପରାଜୟ ପରେ ଭାଇରାଲ ହେଉଛି ରୋହିତଙ୍କ ଥ୍ୟାଙ୍କ୍ ୟୁ ପୋଷ୍ଟ

ନୂଆଦିଲ୍ଳୀ: ବର୍ଷ ୨୦୨୪ ଶେଷ ପୂର୍ବରୁ ଭାରତୀୟ ଅଧିନାୟକ ରୋହିତ ଶର୍ମା ଇନଷ୍ଟାଗ୍ରାମରେ ଏକ ପୋଷ୍ଟ କରିଥିଲେ ଯେଉଁଥିରେ ପ୍ରଶଂସକମାନେ ଭାବପ୍ରବଣ ହୋଇଯାଇଛନ୍ତି । ୨୦୨୪ ବର୍ଷ ରୋହିତଙ୍କ ପାଇଁ ଖଟା ଏବଂ ମଧୁର ସ୍ମୃତି ଦେଇଛି ।

ନକଟରେ ବର୍ଡର-ଗାଭାସ୍କର ଟ୍ରଫି ୨୦୨୪-୨୫ ଖେଳୁଥିବା ଟିମ ଇଣ୍ଡିଆକୁ ମେଲବୋର୍ନରେ ଖେଳାଯାଇଥିବା ଚତୁର୍ଥ ଟେଷ୍ଟରେ ପରାଜୟର ସମ୍ମୁଖୀନ ହେବାକୁ ପଡିଛି। ଏହି ପରାଜୟ ପରେ ଅଧିନାୟକ ରୋହିତ ଶର୍ମାଙ୍କ ଉପରେ ପ୍ରଶ୍ନ ଉଠିଥିଲା। ବର୍ତ୍ତମାନ ମେଲବୋର୍ନରେ ପରାଜୟ ପରେ ରୋହିତ ଶର୍ମା ସୋସିଆଲ ମିଡିଆ ମାଧ୍ୟମରେ ଏକ ପୋଷ୍ଟ ଶେୟାର କରିଛନ୍ତି, ଯାହା ସମସ୍ତଙ୍କ ଦୃଷ୍ଟି ଆକର୍ଷଣ କରିଛି। ସେ ତାଙ୍କ ପୋଷ୍ଟରେ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି।

ନିଜ ଇଷ୍ଟାଗ୍ରାମ୍ ପୋଷ୍ଟରେ ଭାରତୀୟ ଅଧିନାୟକ ୨୦୨୪କୁ ଧନ୍ୟବାଦ ଦେଇଛନ୍ତି । ରୋହିତ ସୋସିଆଲ ମିଡିଆ ଜରିଆରେ ଏକ ଭିଡିଓ ଶେୟାର କରିଛନ୍ତି, ଯେଉଁଥିରେ ସେ ୨୦୨୪ର ସମସ୍ତ ଅଭୁଲା ସ୍ମୃତି ସେୟାର କରିଛନ୍ତି, ଏଥିରେ ଟି-୨୦ ବିଶ୍ୱକପ୍ ୨୦୨୪ ଜିତିବା ମୂହୁର୍ତ୍ତ ମଧ୍ୟ ଅନ୍ତର୍ଭୁକ୍ତ ଅଛି । ଭିଡିଓର କ୍ୟାପସନରେ ରୋହିତ ଶର୍ମା ଲେଖିଛନ୍ତି, ସମସ୍ତ ଉତ୍ଥାନ-ପତନ ଏବଂ ଏହାରି ଭିତରେ ସବୁଜିନିଷ ପାଇଁ ୨୦୨୪କୁ ଧନ୍ୟବାଦ।