ଅଷ୍ଟ୍ରେଲିଆ ଟେଷ୍ଟ ସିରିଜ ପୂର୍ବରୁ ରୋହିତ ଫିଟ୍

ନୂଆଦିଲ୍ଲୀ: ଅଷ୍ଟ୍ରେଲିଆ ଟେଷ୍ଟ ସିରିଜ ପୂର୍ବରୁ ଫିଟ ହୋଇଛନ୍ତି ଟିମ ଇଣ୍ଡିଆର ଷ୍ଟାର ଓପନର ରୋହିତ ଶର୍ମା । ବେଙ୍ଗାଲୁର ନ୍ୟାସନାଲ କ୍ରିକେଟ ଏକାଡେମୀରେ ରୋହିତ ଫିଟନେସ ପାସ କରିଥିବା ସୂଚନା ଦେଇଛି ବିସିସିଆଇ ।

ସିରିଜ ପୂର୍ବରୁ ଟିମ ଇଣ୍ଡିଆକୁ ସଫଳତା । କାରଣ ଦଳର ଓପନର ବ୍ୟାଟ୍ସମ୍ୟାନଙ୍କୁ ମିଳିଛି ଫିଟନେସ ସାର୍ଟିଫିକେଟ । ଅଷ୍ଟ୍ରେଲିଆ- ଭାରତ ମଧ୍ୟରେ ଦିନିକିଆ ଏବଂ ଟି-୨୦ ସିରିଜ ଶେଷ ହୋଇଛି । କିନ୍ତୁ ଏଥିରୁ ବିରତ ରହିଥଲେ ରୋହିତ । ସେପଟେ ଦିନିକିଆରେ ଘରୋଇ ଅଷ୍ଟ୍ରେଲିଆ ଟ୍ରଫି ହାତେଇ ଥିବାବେଳେ ଟି-୨୦ ସିରିଜକୁ କବ୍ଜା କରିଥିଲା ଭ୍ରମଣକାରୀ ଭାରତ ।

ଆଗକୁ ଅଷ୍ଟ୍ରେଲିଆ ସହ ଟିମ ଇଣ୍ଡିଆର ଟେଷ୍ଟ ବାକି ଥିବାବେଳେ ଏବେ ରୋହିତ ଖେଳିବା ଏକପ୍ରକାର ସ୍ପଷ୍ଟ । ତେଣୁ ବିସିସିଆଇ ସୂଚନା ମୁତାବକ ଆସନ୍ତା ୧୪ରେ ଅଷ୍ଟ୍ରେଲିଆ ଗସ୍ତ କରିବେ ଭାରତୀୟ ଦଳର ଏହି ରନ ବର୍ଷାକାରୀ ବ୍ୟାଟ୍ସମ୍ୟାନ ।