କେତେ ନମ୍ବରରେ ବ୍ୟାଟିଂ ଆସିବେ ରୋହିତ ? ଜାଣନ୍ତୁ ଏହାକୁ ନେଇ କଣ କହିଲେ ଅଭିଶେକ ନାୟାର..

ନନ୍ଦିଘୋଷ ବ୍ୟୁରୋ: ମେଲବର୍ଣ୍ଣ ଟେଷ୍ଟରେ ପ୍ରଥମ ଦିନର ଖେଳ ସରିଛି । ପ୍ରଥମ ଦିନରେ ଅଷ୍ଟ୍ରେଲିଆ ୬ ଓ୍ବିକେଟ ହରାଇ ୩୧୧ ରନ ସଂଗ୍ରହ କରିଛି । ତେବେ ଏକ ବଡ଼ ସ୍କୋର ଅଭିମୁଖେ ଅଷ୍ଟ୍ରେଲିଆ ଗତି କରୁଥିବାବେଳେ ଭାରତୀୟ ବ୍ୟାଟ୍ସମ୍ୟାନମାନେ କିଭଳି ଭାବେ ପ୍ରଦର୍ଶନ କରିବେ ତାକୁ ନେଇ ଏବେ ଆରମ୍ଭ ହୋଇଛି କଳ୍ପନା ଚଳ୍ପନା । ତେବେ ଅଧିନାୟକ ରୋହିତ ଶର୍ମା ଖରାପ ଫର୍ମ ଦେଇ ଗତି କରୁଥିବାବେଳେ ସେ କେଉଁ ନମ୍ବରରେ ବ୍ୟାଟିଂ ଆସିବେ ତାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ତେବେ ଟିମ ଇଣ୍ଡିଆର ଯୁବ ବ୍ୟାଟ୍ସମ୍ୟାନ ଶୁଭମନ ଗିଲ ଏହି ମ୍ୟାଚ ଖେଳୁନଥିବାବେଳେ ରୋହିତ ଶର୍ମା ଜୟସ୍ବାଲଙ୍କ ସହ ଓପନିଂ କରିବେ । ଅଭିଶେକ ନାୟାର ପ୍ରେସମିଟ୍ ଜରିଆରେ ଏଭଳି ସୂଚନା ଦେଇଛନ୍ତି । ତିନି ନମ୍ବର ସ୍ଥାନରେ କେ.ଏଲ ରାହୁଲ ଖେଳିବେ ।

ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଉଛି କି, ରୋହିତ ଶର୍ମା ୨୦୨୪ରେ ଖରାପ ଫର୍ମ ଦେଇ ଗତି କରିଛନ୍ତି । ୧୪ ମ୍ୟାଚରେ ମାତ୍ର ୬୦୭ ରନ ସଂଗ୍ରହ କରିପାରିଛନ୍ତି । ୨୬.୩୯ ହାରରେ ସେ ଏହି ସ୍କୋର କରିଛନ୍ତି । ଅଷ୍ଟ୍ରେଲିଆ ସିରିଜରେ ସେମିତି ଆଖି ଦୃଷ୍ଟିଆ ଖେଳ ପ୍ରଦର୍ଶନ କରି ନଥିବାବେଳେ ଓପନିଂ କରି ଦଳକୁ କିଭଳି ପରିସ୍ଥିତିକୁ ନେଉଛନ୍ତି ତାହା ଉପରେ ରହିଛି ସମସ୍ତ କ୍ରିକେଟପ୍ରେମୀଙ୍କ ନଜର ।