ଭୁବନେଶ୍ୱର: ଲକଡାଉନରେ ଭୁବନେଶ୍ୱରରେ ଅପରେସନ ମେଡିସିନ ଷ୍ଟୋର। ରାଜଧାନୀରେ ଲକ୍ଡାଉନ ସମୟରେ ସକ୍ରିୟ ହୋଇଛନ୍ତି ଡକାୟତି ଗ୍ୟାଙ୍ଗ। ମଙ୍କି କ୍ୟାପି ପିନ୍ଧି ଅନ୍ଧାର ରାତିରେ କଳାକନା ବୁଲାଇଛି ସ୍ମାର୍ଟ ସିଟିର ସ୍ମାର୍ଟ ଚୋର। ସିସିଟିଭିରେ କଏଦ ହେଲା ଚୋରିର ପୁରା କାରନାମା। ନୟାପଲ୍ଲୀ ଥାନା ଅଞ୍ଚଳରେ ସିରିଜ ଚୋରି ଉଦ୍ୟମ କରିଛନ୍ତି ଲୁଟେରା। କେମିତି କିଛି କ୍ଷଣ ମଧ୍ୟରେ ସଟର ଭାଙ୍ଗି ଲୁଟି ନିଅନ୍ତି ତାର ପୁରା ରେକର୍ଡ ରହିଛି ସିସିଟିଭିରେ। ହାଇଫାଇ ମେଡ଼ିସିନ ଷ୍ଟୋରର ବଡ ବଡ ତାଲାକୁ ବି ଛାଡୁନାହାନ୍ତି ଏହି ଲୁଟେରା। ରାସ୍ତା ଉପରେ ଚଳ ପ୍ରଚଳ ସ୍ଥାନରେ କରୁଛି ଚୋରିର ଲାଇଭ ଅପରେସନ।
ତାଲା ଭାଙ୍ଗି ସଟର ତାଡି ଲୁଟି ନେଉଛି ଲକ୍ଷ ଲକ୍ଷ ଟଙ୍କା। ଗତ ୨୮ ତାରିଖ ରାତି ୨ଟାରେ କରିଛନ୍ତି ଚୋରିର ଅପରେସନ। ନୟାପଲ୍ଲୀ ଏନ-୪ର ନେଟ ମେଡରୁ କ୍ୟାସ ଡ୍ର ତାଡି ନେଇଛି ୧ଲକ୍ଷ ୭୦ ହଜାର ଟଙ୍କା। ସେହିପରି ଏନ-୪ର ମେଡପ୍ଲସରୁ ଉଦ୍ୟମ କରି ଭିତରେ ଲକ ଥିବା ଯୋଗୁଁ ଫେଲ ମାରିଛି ଚୋରର ଉଦ୍ୟମ। କେବଳ ସେତିକି ନୁହେଁ ୨୫ ତାରିଖ ରାତିରେ ରିଚି ହୋଟେଲ ପାଖ ପଣ୍ଡା ମେଡ଼ିସିନ ଷ୍ଟୋର, ମେଡପ୍ଲସ, ମେଡ଼ିସିନ ଷ୍ଟୋରର ତାଲା ତାଡି ଲୁଟ ଉଦ୍ୟମ କରିଛି ଏହି ଲଟେରା ଗ୍ୟାଙ୍ଗ। ଏ ନେଇ ପୋଲିସ ତଦନ୍ତ କରୁଛି। ପୋଲିସର ଲକଡ଼ାଉନରେ ପୋଲିସ ପାଟ୍ରୋଲିଂ ଓ ନାକାକୁ ନେଇ ଉଠଛି ପ୍ରଶ୍ନ।
