ଭୁବନେଶ୍ବର: ରାଜଧାନୀରେ ତାଲା ପଡିଥିବା ଘରକୁ ପୁଣି ଲୁଟେରାଙ୍କ ଟାର୍ଗେଟ। କପିଳପ୍ରସାଦ କେଳୁଚରଣ ଲେନ୍ ୫ରେ ଥିବା ଘରୁ ଲୁଟ ହୋଇଛି। ଝରକା ତାଡି ଲକ୍ଷାଧିକ ଟଙ୍କାର ସୁନା ଗହଣା ଓ ରୁପା ଗହଣା ଲୁଟି ନେଇଛନ୍ତି ଲୁଟେରା। ଘଟଣାସ୍ଥଳରେ କମିଶନରେଟ ପୋଲିସ ପହଞ୍ଚି ତଦନ୍ତ ଜାରି ରଖିଛି। ଘର ମାଲିକ ଧୃବ ପାତ୍ର ଗତ ଦୁଇଦିନ ତଳୁ ବେଙ୍ଗାଳୁରୁ ବୁଲିବାକୁ ଯାଇଛନ୍ତି। ଏହାର ସୁଯୋଗ ନେଇଥିଲେ ଲୁଟେରା। ତେବେ ଘର ଝରକା ଭଙ୍ଗା ଯାଇଥିବା ଦେଖି ପଡୋଶୀ ପ୍ରଥମେ ଖବର ଦେଇଥିଲେ। ପୋଲିସ ଘଟଣାର ତଦନ୍ତ ସହ ଛାନଭିନ କରୁଛି।
