ଭୁବନେଶ୍ୱର: ରାଜଧାନୀରେ ମାତିଲେ ଲୁଟେରା। ଯୁବ ପ୍ରଫେସରଙ୍କ କାରର କାଚ ଭାଙ୍ଗି ନେଇଗଲେ ଲାପଟପ। ଖାରବେଳ ନଗର ଥାନା ରାମମନ୍ଦିର ଛକ ନିକଟରେ ଘଟିଛି ଘଟଣା। ଅଭିଯୋଗକାରୀ ଜଣକ ଛକରେ ଥିବା ବ୍ୟାଙ୍କ ପାଖରେ କାର ପାର୍କିଂ କରି କାମରେ ଯାଇଥିଲେ। ଫେରି ଦେଖିଲା ବେଳକୁ କାରର ବାମ ପଟ ପଛ ଡୋରର କାଚ ଭଙ୍ଗା ହୋଇଛି। କାର ଭିତରୁ ଲାପଟପ ସହିତ କିଛି ଗୁରୁତ୍ୱ ପୂର୍ଣ କାଗଜ ପତ୍ର ଲୁଟ ହୋଇଛି ।
ଏ ନେଇ ଖାରବେଳ ନଗର ଥାନାରେ ଅଭିଯୋଗ କରିବା ପରେ ଥାନା ଅଧିକାରୀ ଘଟଣା ସ୍ଥଳରେ ପହଞ୍ଚି ଖୋଲତାଡ଼ କରିଛନ୍ତି । ଛକରେ ଥିବା ଏକ ଘରୋଇ ବ୍ୟାଙ୍କ ଓ ଆଖ ପାଖରେ ଲାଗିଥିବା ସିସିଟିଭି ଫୁଟେଜକୁ ଯାଞ୍ଚ କରିଛି ପୋଲିସ।
