ବନ୍ଧୁକ ଦେଖାଇ ଯୁବତୀଙ୍କ ବେକରୁ ସୁନା ଚେନ ଝାମ୍ପି ନେଲେ ଦୁର୍ବୃତ୍ତ
କଟକ: ବାରଙ୍ଗ ଅଞ୍ଚଳରେ ଯୁବତୀଙ୍କ ବେକରୁ ସୁନା ଚେନ୍ ଲୁଟ । ନରାଜ ବିଦ୍ୟାଧରପୁର ପାହାଡ ନିକଟରେ ବନ୍ଧୁକ ମୁନରେ ସୁନା ଚେନ ଲୁଟି ନେଇଛନ୍ତି ଦୁର୍ବୃତ୍ତ ।
ଅଭିଯୋଗ ଅନୁସାରେ, ଗତକାଲି ରାତିରେ ଜଣେ ଯୁବକ ଓ ଯୁବତୀ ଫେରୁଥିବା ବେଳେ, ୬ ଜଣ ଦୁର୍ବୃତ୍ତ ବନ୍ଧୁକ ଦେଖାଇ ଅଟକାଇଥିଲେ । ପରେ ମାଡ଼ ମାରି ଟଙ୍କା ପଇସା ମାଗିଥିଲେ । ତେବେ ଟଙ୍କା ନପାଇବାରୁ ଯୁବତୀଙ୍କ ବେକରେ ଥିବା ଚେନକୁ ଛିଡାଇ ନେଇଥିଲେ ଦୁର୍ବୃତ୍ତ । ଉଭୟ ପ୍ରତିବାଦ କରିବାରୁ ଦୁର୍ବୃତ୍ତମାନେ ୨ ଜଣଙ୍କୁ ମାଡ଼ ମାରିବା ସହ ଗାଡ଼ି ଭଙ୍ଗାରୁଜା କରିଥିଲେ ।
ଦୁର୍ବୃତ୍ତଙ୍କ ଭିତରୁ ଜଣେ ବନ୍ଧୁକ କାଢି ୨ ରାଉଣ୍ଡ ଫାଙ୍କା ଗୁଳି ଚଳାଇ ଆତଙ୍କ ଖେଳାଇଥିଲେ । ଅଭିଯୋଗ ପାଇବା ପରେ ବାରଙ୍ଗ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଦୁଇଦିନ ପୂର୍ବରୁ ସିଡିଏ ସେକ୍ଟର ୧୧ ଅଞ୍ଚଳରେ ମଧ୍ୟ ଆଇନଜୀବୀଙ୍କ ଠାରୁ ସମାନ ଢଙ୍ଗରେ ଲୁଟ ହୋଇଥିଲା ।
