ସାବାଡ଼ ହେବେ ରୋଡ୍ ରୋମିଓ
ଭୁବନେଶ୍ବର: ବୁଲେଟ ରାଜାଙ୍କ ନିଦ ହଜାଇଲା ଟ୍ରାଫିକ ପୋଲିସ୍ । ରୋଡ଼ ରୋମିଓଙ୍କ ଆକ୍ସନକୁ ପୋଲିସର ରିଆକ୍ସନ । ଏଥର ଫାଇନ ନୁହେଁ, ସିଧା କୋର୍ଟରୁ ହେବାକୁ ପଡ଼ିବ ବେଲ୍ । ରାଇଡରଙ୍କ ପରେ ମଡିଫାଇଡ଼ ଶୋରୁମର ପାଳି । ଆପଣଙ୍କ ବାଇକ ସାଇଲେନ୍ସରୁ ବିକଟାଳ ଶବ୍ଦ ବାହାରୁଛି କି ? କିମ୍ବା ବୁଲେଟ୍ରୁ ଫାୟାରିଂ କରି ଢୋ ଢା ଫୁଟାଉଛନ୍ତି କି ? ତେବେ ହୁସିଆର ! ଆପଣଙ୍କୁ ଯେ କୌଣସି ଛକରେ ଟ୍ରାଫିକ ପୋଲିସ ମାଡ଼ି ବସିପାରେ । ଜରିମାନା ତ ଦେବେ, ତା ସହିତ ଆପଣଙ୍କ ବୁଲେଟରୁ ସାଇଲେନ୍ସର ମଧ୍ୟ କାଢ଼ି ନେବେ । ଟ୍ରାଫିକ ପୋଲିସ ସମ୍ମୁଖରେ ନିଜ ଗାଡିରେ ନୂଆ ଓ ଠିକ ମାନ ଥିବା ସାଇଲେଇନ୍ସର ଲଗାଇବା ପରେ କୋର୍ଟ ପିଆର ବଣ୍ଡରେ ଗାଡିକୁ ଛାଡିବ । ଟ୍ରାଫିକ ଏସିପି ଭାବେ ଜୟନ୍ତ ଦୋରା କାର୍ଯ୍ୟରେ ଯୋଗଦେବା ପରେ ଟ୍ରାଫିକ ନିୟମ ଖିଲାପିଙ୍କ ବିରୋଧରେ ଜିରୋ ଟଲରାନ୍ସ ନୀତି ଗ୍ରହଣ କରିବା ସହ ୬୦ ରୁ ଉର୍ଦ୍ଧ୍ବ ବାଇକ ଜବତ କରିଛନ୍ତି ।
ଆଗକୁ ପାର୍ବଣ। ରାଜଧାନୀର ୧୩ ଟି ସ୍ଥାନରେ ଅତ୍ୟାଧୁନିକ ଏଏନପିଆର ବା ଟିଭିଡିଏସ୍ ସିସିଟିଭି କ୍ୟାମେରା ଖଞ୍ଜା ଯାଇଛି । ସ୍ପିଡ, ରଙ୍ଗ ଡ୍ରାଇଭ, ଟ୍ରିପଲ ରାଇଡିଂ, ପଲ୍ୟୁସନ, ହେଲମେଟ୍ ଉପରେ କଡ଼ା ନଜର ରଖିଛି ଟ୍ରାଫିକ କଣ୍ଟ୍ରୋଲ ରୁମ । ବାଇକ ମଡିଫାଏ କରୁଥିବା ସ୍ପେୟାର ପାର୍ଟସ ଦୋକାନରେ ଖୁବଶୀଘ୍ର ଚଢ଼ାଉ ହେବ । ପୋଲିସ କମିଶନରଙ୍କ ନିର୍ଦ୍ଦେଶକ୍ରମେ ସଡକ ଦୁର୍ଘଟଣା ଉପରେ ରୋକ ଲଗାଇବା ପାଇଁ ଆଗାମୀ ଦିନରେ ନିୟମ ମୁତାବକ ଫରେନ ବାଇକ ଗୁଡିକୁ ସ୍କାନରକୁ ନିଆଯିବ ବୋଲି କହିଛନ୍ତି ଏସିପି ।
