ବର୍ଷା ଆସିଲେ ମରଣଯନ୍ତା ପାଲରେ ଗାଁକୁ ସଂଯୋଗ କରୁଥିବା ଏକମାତ୍ର ରାସ୍ତା

1 min read

ସାଲେପୁର: ବିପଦସଂକୁଳ ଅବସ୍ଥାରେ କେନାଲ ରୋଡ। ଅସରାଏ ବର୍ଷାରେ ରାସ୍ତା ଉପରେ ଢେଉ ଭାଙ୍ଗୁଛି ବର୍ଷା ପାଣି। ବର୍ଷା ଦିନ ଆସିଲେ ମରଣଯନ୍ତା ପାଲଟୁଛି କେନାଲ ରୋଡ। ପାଦେ ପାଦେ ରେ ବିପଦ ଗାଁ ଆମ୍ବୁଲାନ୍ସ ଆସିବାକୁ ବି ମନାକରିଦେଉଛି। ଏଭଳି ଦୃଶ୍ୟ ଦେଖିଲେ ଭୃକୁଞ୍ଚନ ହୁଏ। ସ୍ୱାଧୀନ ଭାରତରେ ଏମିତିବି ରାସ୍ତା ଏବେ ରହିଛି ବୋଲି ମଦକୁ ପ୍ରଶ୍ନ ଉଠେ। ଏମିତି ଦୃଶ୍ୟ ଦେଖିବାକୁ ମିଳିଛି ସାଲେପୁରରେ।

ଖାଲଖମାରେ ଭର୍ତ୍ତି ହୋଇଛି କଟକ ଜିଲ୍ଲାର ସାଲେପୁର-କିଶୋରନଗର ରାସ୍ତା। ଦୀର୍ଘ ଦିନ ହେଲା ଜଳସମ୍ପଦ ବିଭାଗ ଅଧିନରେ ଥିବା ଏହି ରାସ୍ତା ମରାମତି ହେଉନଥିବାରୁ ମରଣଯନ୍ତା ପାଲଟିଛି। ଫଳରେ ଗାଡି ମୋଟର ସବୁ ବିପଦ ସଂକୁଳ ଅବସ୍ଥାରେ ଯାତୟାତ କରୁଛନ୍ତି। ଯାହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ବଢୁଥିବା ବେଳେ ମରାମତି ପାଇଁ ଦାବି କରିଛନ୍ତି। ସେପଟେ ବାରମ୍ବାର ଅଭିଯୋଗ ପରେ ମରାମତି ପାଇଁ ପ୍ରତିଶ୍ରୁତି ଦେଇ ବସିପଡିଛି ପ୍ରଶାସନ।

ସାଲେପୁର-କିଶୋରନଗର-ଜଗତସିଂହପୁରର ଲାଇଫ୍ଲାଇନ ଏହି ରାସ୍ତା। ଏହା ଉପରେ ପ୍ରତିଦିନ ହଜାର ହଜାର ଲୋକ ନିର୍ଭର କରନ୍ତି। ମାତ୍ର ରାସ୍ତା ମରାମତି କାମ ହେଉନଥିବାରୁ ଜରୁରୀକାଳୀନ ସେବା ବାଧାପ୍ରାପ୍ତ ହେଉଥିବା ଅଭିଯୋଗ ହୋଇଛି। ସେପଟେ ରାସ୍ତାକୁ ନେଇ ଅନୁଧ୍ୟାନ କରାଯାଇଛି, ଉପରିସ୍ଥ ଅଧିକାରୀଙ୍କୁ ଅବଗତ କରାଯିବ ବୋଲି କହିଛନ୍ତି ଜଳସମ୍ପଦ ବିଭାଗର ନିର୍ବାହୀ ଯନ୍ତ୍ରୀ। ଅନ୍ୟପଟେ ଖୁବ୍ ଶୀଘ୍ର ରାସ୍ତା ମରାମତି କାମ ଆରମ୍ଭ ହେବ ବୋଲି କହିଛନ୍ତି ସାଲେପୁର ବିଧାୟକ।

Leave a Reply