କେନ୍ଦୁଝର କୁସୁନୁପୁର ଗାଁ ରାସ୍ତା ପାଲଟିଛି ମରଣଯନ୍ତା, ବଢୁଛି ଅସନ୍ତୋଷ

କେନ୍ଦୁଝର: ରାସ୍ତା ପାଲଟିଛି ମରଣଯନ୍ତା। କଦର୍ଯ୍ୟ ରାସ୍ତା ପାଇଁ ଗାଁକୁ ଯାଇପାରୁନି ଆମ୍ବୁଲାନ୍ସ। କେନ୍ଦୁଝର କୁସୁନୁପୁର ଗାଁ ରାସ୍ତା ଦୀର୍ଘ ଦିନ ହେବ ମରାମତି ଅଭାବରୁ ମରଣଯନ୍ତା ପାଲଟିଯାଇଛି। ରାସ୍ତା ନିର୍ମାଣ ଦିଗରେ ପ୍ରଶାସନର ଉଦାଶିନତା ପାଇଁ ଗ୍ରାମବାସୀଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଉଛି। ବର୍ଷ ତମାମ ଯିବା ଆସିବା କରିବା କଷ୍ଟସାଧ୍ୟ ଥିବା ବେଳେ ଅଞ୍ଚଳବାସୀ ପାଇଁ ବର୍ଷା ଦିନରେ ଦୁର୍ଦ୍ଦଶା ଦୁଇ ଗୁଣିତ ହୋଇଯାଏ। ଏପରିକି ବର୍ଷା ଦିନରେ ଘରୁ ବାହାରି ବଜାରକୁ ଆସିବାକୁ ଲୋକେ ନାନା ସମସ୍ଯାର ସାମ୍ନା କରନ୍ତି। ସମସ୍ୟା ସମାଧାନ ପାଇଁ ବାରମ୍ବାର ପ୍ରଶାସନ ନିକଟରେ ଅଭିଯୋଗ କଲେ ବି ଫଳ ଶୂନ।

ଅନ୍ୟପଟେ ଖୁବ ଶୀଘ୍ର ରାସ୍ତା ମରାମତି କରି ସମସ୍ୟାର ସମାଧାନ କରିବା ପାଇଁ ଘଟଗାଁ ବିଡିଓ ପ୍ରତିଶୃତି ଦେଇଛନ୍ତି।