ରାଜ୍ୟରେ ବଢ଼ୁଛି ଦୁର୍ଘଟଣା, ୨୦୨୦ ତୁଳନା ୨୦୨୧ରେ ୭.୨୪ ପ୍ରତିଶତ ବୃଦ୍ଧି

ଭୁବନେଶ୍ୱର: ରାଜ୍ୟରେ ଦିନକୁ ଦିନ ବଢିବାରେ ଲାଗିଛି ସଡ଼କ ଦୁର୍ଘଟଣା । ୨୦୨୦ ତୁଳନାରେ ୨୦୨୧ରେ ବୃଦ୍ଧି ପାଇଛି ସଡ଼କ ଦୁର୍ଘଟଣା । ୨୦୨୦ ତୁଳନାରେ ୨୦୨୧ରେ ୭.୨୪ ପ୍ରତିଶତ ବୃଦ୍ଧି ପାଇଛି ସଡ଼କ ଦୁର୍ଘଟଣା । ରାଜ୍ୟର ୪ଟି ଜିଲ୍ଲାରେ ୨୫ ପ୍ରତିଶତ ଦୁର୍ଘଟଣା ବୃଦ୍ଧି ଘଟିଛି । ତେବେ ଏହି ଦୁର୍ଘଟଣା କମାଇବା ପାଇଁ ପଦକ୍ଷେପ ନେବାକୁ ସବୁ ଜିଲ୍ଲାପାଳ ଓ ଏସପିଙ୍କୁ ଚିଠି ଲେଖିଛନ୍ତି ପରିବହନ ସଚିବ । ଦୁର୍ଘଟଣା କମାଇବା ପାଇଁ ଆଜିଠୁ ଏକ ମାସ ପର୍ଯ୍ୟନ୍ତ ସ୍ୱତନ୍ତ୍ର ଅଭିଯାନ ଜାରି ରଖିବାକୁ ନିର୍ଦ୍ଦେଶ ଦେଇଛନ୍ତି ପରିବହନ ସଚିବ । ରାଜ୍ୟରେ ୧୦ ହଜାର ୯୮୪ ଦୁର୍ଘଟଣାରେ ପ୍ରାଣ ହରାଇଛନ୍ତି ୫ ହଜାର ୮୧ଜଣ ଲୋକ । ଏଥିସହିତ ଆହତ ହୋଇଛନ୍ତି ୯ ହଜାର ୭ ଶହ ୮୨ଜଣ । ତେବେ ୭ଟି ଜିଲ୍ଲାରେ କମିଛି ଦୁର୍ଘଟଣାର ମୃତ୍ୟୁହାର  । ଗଜପତି ଜିଲ୍ଲାରେ ଦୁର୍ଘଟଣାରେ ମୃତ୍ୟୁହାର ସର୍ବାଧିକ ବୃଦ୍ଧି ହୋଇଛି ।