ଟ୍ରକ୍ ଚାପାରେ ଛାତ୍ରୀଙ୍କ ମୃତ୍ୟୁ: ରାସ୍ତା ଅବରୋଧ କଲେ ଉତ୍ତ୍ୟକ୍ତ ଲୋକେ

ଯାଜପୁର ଟାଉନ: ଯାଜପୁର ସଦର ଥାନା କେତକିଆ ଛକ ନିକଟରେ ସଡକ ଦୁର୍ଘଟଣା ।ଟ୍ରକ୍ ଚାପରେ ଛାତ୍ରୀଙ୍କ ମୃତ୍ୟ । ମୃତ ଛାତ୍ରୀ ଜଣଙ୍କ ବର୍ଷା ରାଣୀ ଜେନା । ସକାଳେ ପ୍ରାତଃ ଭ୍ରମଣ ପାଇଁ ଯାଇଥିବା ବେଳେ ଘଟିଛି ଅଘଟଣ ।

  ଘଟଣାମୁତାବକ ଶୁକ୍ରବାର ସକାଳୁ ବର୍ଷା ଓ ତା’ର କିଛି ସାଙ୍ଗ ମାନେ ପ୍ରାତଃ ଭ୍ରମଣ ପାଇଁ ଯାଇଥିଲେ । ଏହି ସମୟରେ ଏକ ଚିପ୍ସ ବୋଝେଇ ଡମ୍ଫର  ବର୍ଷାଙ୍କ ଉପରେ ଚଢ଼ି ଯାଇଥିଲା । ଏହା ପରେ ଘଟଣା ସ୍ଥଳରେ ହିଁ ଛାତ୍ରୀଙ୍କ ମୃତ ହୋଇଥିଲା । ମୃତ ଛାତ୍ରୀ ଜଣଙ୍କ ହେଲେ ବରୁହାଁ ଗ୍ରାମର ଶିବ ଜେନାଙ୍କ ୧୭ ବର୍ଷର ଝିଅ ବର୍ଷା ରାଣୀ ଜେନା । ତେବେ ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ଦେଖିବାକୁ ମିଳିଛି । ଉତ୍ତ୍ୟକ୍ତ ଲୋକେ ବରି-ଯାଜପୁର ରାଜରାସ୍ତାକୁ ଅବରୋଧ କରିଛନ୍ତି । ଏହା ଫଳରେ ସେହି ରାସ୍ତାରେ ଭିଡ଼ ଜମିଛି । ଲୋକଙ୍କ ଯାତାୟାତରେ ସମସ୍ୟା ଉପୁଜିଛି ।

ଏଥିସହିତ ପଢ଼ନ୍ତୁ: ମାହାଙ୍ଗା ଡବଲ ମର୍ଡର ଘଟଣାରେ ଆଉ ଜଣେ ଅଭିଯୁକ୍ତ ଗିରଫ