ମାଲକାନଗିରି ଗସ୍ତରେ ଗୁଇନ୍ଦା ନିର୍ଦେଶକ ଆର.କେ ଶର୍ମା

ମାଲକାନଗିରି: ଆଜି ମାଲକାନଗିରି ଗସ୍ତରେ ଗୁଇନ୍ଦା ନିର୍ଦେଶକ ଆର.କେ ଶର୍ମା, ଆଇଜି ଅପରେସନ ଅମିତାଭ ଠାକୁର, ଏସ ଆଇ ଡବ୍ଲୁ ଡ଼ିଆଇଜି ଅନିରୁଦ୍ଧ ସିଂ  । ମାଲକାନଗିରି ଗସ୍ତରେ ଆସି ମାଓ ଦମନ ନେଇ ଏକ ରୁଦ୍ଧ ଦ୍ୱାର ବୈଠକରେ ଯୋଗ ଦେଇଥିଲେ । ଗତ ୨ଦିନ ତଳେ ସ୍ୱାଭିମାନ ଅଞ୍ଚଳର ତୋଟାଗୁଡା ଜଙ୍ଗଲରେ ପୋଲିସ ନକ୍ସଲଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଏହି ଗୁଳି ବିନିମୟରେ ଏସଓଜି ଯବାନଙ୍କ ଭୂମିକା ଗୁରୁତ୍ୱପୂର୍ଣ୍ଣ ଥିଲା । ଏହି ଗୁଳି ବିନିମୟରେ ଜଣେ ହାର୍ଡକୋର ନକ୍ସଲ କିଶୋରର ମୃତ୍ୟୁ ହୋଇଥିବା ବେଳେ ଜଣେ ନକ୍ସଲ ଗିରଫ ହୋଇଥିଲା ।

ମାଲକାନଗିରି ଜିଲ୍ଲାରେ ଗୁଇନ୍ଦା ବିଭାଗ ବେଶ ସଫଳତା ପାଇ ପାରିଛି । ନକ୍ସଲଙ୍କ ପ୍ରତ୍ୟେକ ଗତିବିଧିକୁ ଗୁଇନ୍ଦା ବିଭାଗ ପୋଲିସ ନିକଟରେ ସୂଚନା ପହଞ୍ଚାଇ ପାରିଛି । ମାଲକାନଗିରି ଏସପି ଋଷିକେଶ ଖିଲାରୀଙ୍କ ନେତୃତ୍ୱରେ ଜିଲ୍ଲାରେ ମାଓ ଦମାନରେ ବେଶ ସଫଳତା ମିଳିଥିବାରୁ ଗୁଇନ୍ଦା ବିଭାଗ ର ଅଧିକାରୀ ମାନେ ପ୍ରଶଂସା କରିଥିଲେ । ଆଗାମୀ ରଣନୀତି ନେଇ ବୈଠକରେ ବିସ୍ତୃତ ଆଲୋଚନା କରିଥିବା ଜଣା ପଡ଼ିଛି ।