ପରାଜୟ ପରେ ଆରଜେଡିର ଅଭିଯୋଗ: ‘୭୦ ଆସନ ନେଇ ୭ଟି ସଭାରେ ବି କେନ୍ଦ୍ରୀୟ ନେତୃତ୍ୱଙ୍କ ଦେଖା ମିଳିଲାନି’

ପାଟଣା: ବିହାରରେ ମହାଗଠବନ୍ଧନର ପରାଜୟ ପରେ କଂଗ୍ରେସ ଓ ରାଷ୍ଟ୍ରୀୟ ଜନତା ଦଳ (ଆରଜେଡି) ମଧ୍ୟରେ ଆରମ୍ଭ ହୋଇଛି ବିବାଦ । କଂଗ୍ରେସର କେନ୍ଦ୍ରୀୟ ନେତୃତ୍ୱକୁ ନେଇ ସମାଲୋଚନା କରିଛନ୍ତି ଆରଜେଡିର ବରିଷ୍ଠ ନେତା ଶିବାନନ୍ଦ ତିଓ୍ୱାରୀ  । କଂଗ୍ରେସ ବିହାର ନିର୍ବାଚନକୁ ନେଇ ସିରିୟସ ନଥିଲା, କେବଳ ୭୦ଟି ଆସନ ପାଇଁ ଦାବି କରିଥିଲା  । କଂଗ୍ରେସର ସଂଗଠନ ବିହାରରେ ଭଲ ନଥିଲେ ମଧ୍ୟ ଦଳୀୟ ନେତା ନିର୍ବାଚନୀ ସଭା କରିବାକୁ ଆସିଲେ ନାହିଁ  । ରାହୁଲ ଗାନ୍ଧି ମାତ୍ର ୩ଟି ରାଲି କଲେ, ପ୍ରିୟଙ୍କାଙ୍କ ଦେଖା ମିଳିଲା ନାହିଁ  । କଂଗ୍ରେସ ୭୦ଟି ଆସନ ନେଇ ମଧ୍ୟ ୭୦ଟି ରାଲି କରିନଥିବା କହିଛନ୍ତି ଶିବାନନ୍ଦ ତିଓ୍ୱାରୀ  । ଅନେକ ରାଜ୍ୟରେ କଂଗ୍ରେସର ସ୍ଥିତି ଖରାପ ହେବାରେ ଲାଗିଛି  । ଏହା ଉପରେ ଦଳ ବିଚାର କରିବାର ଆବଶ୍ୟକତା ରହିଛି ବୋଲି କହିଛନ୍ତି ଆରଜେଡିର ଏହି ବରିଷ୍ଠ ନେତା  । ସେପଟେ ଶିବାନନ୍ଦ ତିଓ୍ୱାରୀଙ୍କ ବୟାନ ଉପରେ ପ୍ରତିକ୍ରିୟା ରଖିଛ କଂଗ୍ରେସ ।

ଆଜିଠୁ ମହାରାଷ୍ଟ୍ରରେ ଖୋଲୁଛି ସମସ୍ତ ଧାର୍ମିକ ଅନୁଷ୍ଠାନ, କୋଭିଡ୍ ନିୟମ ମାନି ମନ୍ଦିର ଓ ମସଜିଦ ଯିବା ପାଇଁ ଅନୁମତି