ଦ୍ୱିତୀୟ ଶ୍ରେଣୀ ଛାତ୍ରୀଙ୍କ ବିରଳ ରେକର୍ଡ, ମାଉଣ୍ଟ କିଲିମଞ୍ଜାରୋ ଶୃଙ୍ଗରେ ଉଡ଼ାଇଲେ ପତାକା

1 min read
Rithika

ଆନ୍ଧ୍ର ପ୍ରଦେଶ: ଆନ୍ଧ୍ର ପ୍ରଦେଶର ଗ୍ରମୀଣ ଅଞ୍ଚଳର ଜଣେ କୁନି ଝିଅ ନିଜ ନାଁରେ ଏକ ବିରଳ ରେକର୍ଡ କରିଛନ୍ତି । ଦ୍ୱିତୀୟ ଶ୍ରେଣୀରେ ପଢ଼ୁଥିବା ଏହି କୁନି ଝିଅ ତଞ୍ଜାନିଆର ମାଉଣ୍ଟ କିଲିମଞ୍ଜାରୋ ଶୃଙ୍ଗରେ ପହଞ୍ଚି ବିରଳ ରେକର୍ଡର ଅଧିକାରୀ ହୋଇଛନ୍ତି । ଏହା ଆଫ୍ରିକା ମହାଦ୍ୱୀପର ସବୁଠାରୁ ଉଚ୍ଚତମ ଶୃଙ୍ଗ । ଏସିଆର ସବୁଠାରୁ କମ୍‌ ବୟସରେ ଏହି ସଫଳତା ପାଇବାରେ ଆନ୍ଧ୍ରପ୍ରଦେଶ ଅନନ୍ତପୁରର ଋିତ୍ୱିକା ଶ୍ରୀ ହେଉଛନ୍ତି ପ୍ରଥମ । ତେବେ ପୁରା ବିଶ୍ୱରେ ଋିତ୍ୱିକା ଏହି ରେକର୍ଡ ହାସଲ କରିବାରେ ଦ୍ୱିତ୍ୱୀୟ ।

ମାଉଣ୍ଟ କିଲିମଞ୍ଜାରୋ ଶୃଙ୍ଗରେ ଚଢ଼ି ରେକର୍ଡ କରିବା ବେଳେ ଋିତ୍ୱିକାଙ୍କ ପିତା ତାଙ୍କ ସହ ରହିଥିଲେ । ଋିତ୍ୱିକା ସମୂଦ୍ର ପତନରୁ ୫ ହଜାର ୬୮୧ ମିଟର ଉଚ୍ଚତା ପର୍ଯ୍ୟନ୍ତ ଚଢ଼ିଛନ୍ତି । ଏହି ଉଚ୍ଚତାକୁ ଗିଲମେନ୍ସ ପଏଣ୍ଟ କୁହାଯାଉଛି । ଋିତ୍ୱିକାଙ୍କ ପିତା ଜଣେ କ୍ରିକେଟ୍‌ କୋଚ୍‌ ହେବା ସହ ଜଣେ ସ୍ପୋର୍ଟ୍ସ କୋର୍ଡିନେଟର ମଧ୍ୟ ।

ଋିତ୍ୱିକା ତେଲେଙ୍ଗାନା ଭୋଙ୍ଗିରର ରକ୍‌ କ୍ଲାଇମ୍ବିଂ ସ୍କୁଲ୍‌ରେ ପ୍ରାଥମିକ ଟ୍ରେନିଂ ନେଇଥିଲେ । ଏହାପରେ ସେ ଲଦାଖରେ ଦ୍ୱିତୀୟ ପର୍ଯ୍ୟାୟ ଟ୍ରେନିଂ ନେଇଥିଲେ । ଅନନ୍ତପୁରର ଜିଲ୍ଲା ମାଜିଷ୍ଟ୍ରେଟ୍‌ ଗନ୍ଧମ ଚନ୍ଦ୍ରୁଡ଼ ଟ୍ୱିଟ୍‌ ଯୋଗେ ଋିତ୍ୱିକାଙ୍କ ଏହି ସଫଳତା ପାଇଁ ତାଙ୍କୁ ସାଧୁବାଦ ଜଣାଇଛନ୍ତି ।

Opn Commnet Area

Leave a Reply

Your email address will not be published. Required fields are marked *

Close Bitnami banner