ବାହାନଗା ଆକାଶରେ କଳାହାଣ୍ଡିଆ ମେଘ: ରାସ୍କ୍ୟୁ ଅପରେସନ ବାଧାପ୍ରାପ୍ତ ହେବା ଆଶଙ୍କା
ବାହାନଗା: ବାଲେଶ୍ବର ଜିଲ୍ଲା ବାହାନଗାରେ କରମଣ୍ଡଳ ଏକ୍ସପ୍ରେସ ଦୁର୍ଘଟଣା ସାରା ଦେଶକୁ ସ୍ତବ୍ଧ କରି ଦେଇଥିବା ବେଳେ ଏବେ ନୀଳ ଆକାଶରୁ ଘୋଟି ଆସିଛି ଆଉ ଏକ ବିପଦ । ବାହାନଗା ଆକାଶକୁ ଆଚ୍ଛାଦିତ କରିଛି କଳାହାଣ୍ଡିଆ ମେଘ । ଘଣ୍ଟା ପ୍ରତି ପ୍ରାୟ ୫୦ କିମି ବେଗର ବହୁଛି ପବନ । ଘଡଘଡି ବିଜୁଳି ସଞ୍ଚାର କରୁଛି ଭୟ । ଏହା ଭିତରେ ରାସ୍କ୍ୟୁ ଅପରେସନ ବାଧାପ୍ରାପ୍ତ ହେବାର ଆଶଙ୍କା ସୃଷ୍ଟି କରିଛି ।
ପବନ ଯୋଗୁଁ ରେସ୍କ୍ୟୁ ଅପରେଶନ କିଛି ପରିମାଣରେ ବାଧାପ୍ରାପ୍ତ ହେବାରେ ଲାଗିଛି । ବର୍ଷା ହୋଇ ନଥିଲେ ବି ଯଦି ବର୍ଷା ହୁଏ, ତେବେ ସ୍ଥିତି ଆହୁରି ଗମ୍ଭୀର ହେବାର ଆଶଙ୍କା ଦେଖା ଦେଇଛି । ବିଶେଷ କରି ମଣିଷ ଦ୍ବାରା ଚାଲିଥିବା ଉଦ୍ଧାର କାର୍ଯ୍ୟ ବାଧାପ୍ରାପ୍ତ ହେବାର ଆଶଙ୍କା ସୃଷ୍ଟି ହୋଇଛି ।
