ବଲିଉଡ ଇଣ୍ଡଷ୍ଟ୍ରି ପାଇଁ ବଡ ଝଟକା…ଏକା କରି ଚାଲିଗଲେ ଋଷି

ମୁମ୍ବାଇ: ଆଉ ନାହାନ୍ତି ବଲିଉଡର ବର୍ଷିୟାନ୍‌ ଅଭିନେତା ଋଷି କପୁର। ବରିଷ୍ଠ ଅଭିନେତା ଋଷି କପୁରଙ୍କର ଆଜି ଦେହାନ୍ତ ହୋଇଛି । ତେବେ ଏହା ସମଗ୍ର ଫିଲ୍ମ ଇଣ୍ଡଷ୍ଟ୍ରି ପାଇଁ ଏବ ବଡ କ୍ଷତି । ଗତ କାଲି ମୁମ୍ବାଇ ଡାକ୍ତରଖାନାରେ ସେ ଭର୍ତ୍ତି ହୋଇଥିଲେ । ଟୁଇଟ କରି ଅମିତାଭ ବଚ୍ଚନ ଏନେଇ ସୂଚନା ଦେଇଛନ୍ତି । ୬୭ ବର୍ଷ ବୟସରେ ସେ ଦୁନିଆକୁ ଅଲବିଦା କହି ଚାଲିଯାଇଛନ୍ତି ।

https://twitter.com/SrBachchan/status/1255709029336322048

ଋଷି କପୁର କ୍ୟାନ୍ସର ପୀଡିତ ଥିଲେ । ଗତ ବର୍ଷ ସେ ଆମେରିକାରୁ ଚିକିତ୍ସା ହୋଇ ଭାରତ ଫେରିଥିଲେ । ସମ୍ପୂର୍ଣ ସୁସ୍ଥ ହେବା ପରେ ତାଙ୍କୁ ଡାକ୍ତରଖାନାରୁ ଡିସଚାର୍ଜ କରାଯାଇଥିଲା । ଭେଟେରାନ ଅଭିନେତା ଋଷି କପୁରଙ୍କ ପରଲୋକ ଦର୍ଶକଙ୍କ ପାଇଁ ବେଶ ଦୁଃଖଦର ଘଟଣା । କ୍ୟାନସରରେ ଦୀର୍ଘ ଦିନ ଧରି ଋଷି କପୁର ପୀଡ଼ିତ ଥିଲେ। ହେଲେ ଗତ କାଲି ତାଙ୍କୁ ପୁଣି ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତାଙ୍କ ବିୟୋଗରେ ସିନେ ଜଗତରେ ଶୋକର ଛାୟା ଖେଳିଯାଇଛି। ଋଷି କପୁରଙ୍କ ବିୟୋଗରେ ଗଭୀର ଦୁଃଖିତ ବୋଲି ଟ୍ବିଟ୍‌ କରିଛନ୍ତି ଅମିତାଭ ବଚ୍ଚନ୍‌।..